Сыекландырылган табигый газ буенча эре инвестиция проектлары
Бүген IX Петербург халыкара газ форумы кысаларында Татарстан Республикасы Хөкүмәте һәм "Газпром" ГАҖ арасында "Татарстан Республикасында табигый газны сыекландыру комплексын төзү" һәм "Татарстан Республикасында криоген автотәэмин итү станцияләре челтәрен төзү" дигән инвестиция проектларын гамәлгә ашыру буенча чаралар планына ("юл картасы"на) кул кую республика өчен мөһим вакыйга булды.
Чарада Татарстан Республикасы Премьер-министры урынбасары – Татарстан Республикасы Министрлар Кабинеты Аппараты Җитәкчесе Шамил Гафаров һәм "Газпром" ГАҖ идарәсе рәисе урынбасары Виталий Маркелов катнашты.
"Юл картасы" Татарстан Республикасы территориясендә табигый газны сыекландыру комплексын һәм КриоАЗС челтәрен төзүне күздә тота.
Исегезгә төшерәбез, 2019 елның 7 июнендә Петербург халыкара икътисадый форумы-2019 кысаларында Татарстан Республикасы Хөкүмәте һәм "Газпром" ГАҖ арасында әлеге инвестиция проектларын гамәлгә ашыру буенча килешү имзаланган иде.