Татарстанга РФ сәнәгать һәм сәүдә министры урынбасары килде
Россия Федерациясе сәнәгать һәм сәүдә министры урынбасары Василий Осьмаков Татарстан Республикасына визиты кысаларында беренче кер юу машиналары заводы белән Haier югары технологияле индустриаль паркын ачу тантанасында катнашты.
Эш программасының чираттагы пункты – "Мастер" Кама индустриаль паркын карау иде, анда паркның 15 еллыгына багышланган тантаналы чаралар узды.
"Мастер" КИП 2004 елда производство өлкәсендә үз эшчәнлеген алып баручы кече һәм урта эшкуарлыкны үстерү өчен инфраструктура булдыру максатында оештырылган.
Көннең икенче яртысында Василий Осьмаков Татарстан Республикасының кайбер сәнәгать предприятиеләрендә булды: "КАМАЗ" кабиналарының каркаслар заводын ("КАМАЗ" һәм Daimler уртак предприятиесе) һәм "Алабуга автомобиль заводы җитештерү берләшмәсе" АҖ карады.
Визит ахырында министр урынбасары "Алабуга" МИЗ килде, анда ул "Август-Алабуга", "Кастамону Интегрейтед Вуд Индастри", "Барс Технолоджи", "Джошкуноз-Алабуга" һәм башкаларның сәнәгый җитештерү эшчәнлеге белән танышты.