"Демография" илкүләм проекты: һөнәри компетенцияләрне үстерү буенча семинар-киңәшмә
Иртәгә ИТ-паркта "Хезмәткәрләрнең һөнәри компетенцияләрен үстерү: Профстандартлар. Яңа һөнәри компетенцияләрне сыйфатлы үзләштерү өчен шартлар тудыру" темасына семинар-киңәшмә узачак. Катнашу – бушлай.
Семинар "Демография" илкүләм проектының "Өлкән буын" федераль проекты кысаларында үткәрелә. Чараның максаты – пенсия алды яшендәге затларга һөнәри белем бирү һәм өстәмә һөнәри белем бирү чараларын тормышка ашыру һәм билгеле бер хезмәт функцияләрен үтәү өчен кирәкле хезмәткәргә квалификация таләпләре өлешендә һөнәри стандартларны куллану.
Семинарны Татарстан Республикасы Мәгълүматлаштыру һәм элемтә министрлыгы оештыра. Катнашу өчен https://leader-id.ru/events/ сылтамасы буенча Leader ID теркәлү узарга кирәк.
Чаралар 2019 елның 21 июнендә 15:00 сәгатьтә түбәндәге адрес буенча узачак: Казан шәһәре, Петербург ур., 52, ИТ-парк, 3 кат – кайнау ноктасы.