"Ел инженеры – 2019" конкурсына гаризалар җыю дәвам итә
Быел Татарстанда беренче тапкыр "Ел инженеры" бәйгесе узачак. Хәзерге вакытта бөтен республикадан инженер белгечлекләренә һәм техник һөнәрләргә катнашы булган барлык кешеләрдән актив рәвештә гаризалар җыела!
Конкурста барлыгы өч категория тәкъдим ителә:
"Булачак инженерлар" – инженер белгечлеге студентлары;
"Яшьлек, уңыш, перспектива" – 35 яшькәчә булган инженерлар;
"Тәҗрибә, казанышлар, компетентлылык" – 35 яшьтән өлкәнрәк инженерлар.
Конкурс республика икътисады тармаклары буенча 12 номинациядә уза.
Конкурс 2 этапны күздә тота: читтән торып һәм турыдан-туры.
Читтән торып катнашу этабы – гариза бирү кампаниясен үткәрү һәм турыдан-туры этапта катнашу өчен гаризалар сайлап алу буенча экспертларның конкурс комиссиясе эше.
Турыдан-туры этап – мастер-класслар, тренинглар, тестлар һәм сентябрь-октябрь азагында эшләрне яклау планлаштырыла торган ике көнлек күчмә семинар.
Катнашу шартлары һәм документлар исемлеге турында биредә карарга була.
Яки түбәндәге телефон буенча шалтыратырга: 8-905-314-00-17, Владлена.