КВЗда Җиңү көнен бәйрәм итү
"Вертолеты России" холдингының Казан вертолет заводында ("Ростех" дәүләт корпорациясенә керә) 8 май көнне "Ул бөек елларга баш иябез" дигән тантаналы митинг һәм ел саен уздырыла торган "Үлемсез полк" хәрәкәте булды.
Бәйрәмгә Бөек Ватан сугышы ветераннары, тыл хезмәтчәннәре, шулай ук Идел буе балалар йорты балалары һәм Казанның 8 нче гимназиясендә һәм 54 нче мәктәбендә укучылар чакырылган иде.
Тантаналы чарада хәрби-патриотик шигырьләр укылды һәм үзешчән сәнгать коллективлары чыгыш ясады. Тантанада катнашучылар Бөек Ватан Сугышы Геройлары һәм аларның батырлыклары турында хикәяләр тыңлады.
Җиңү көне алдыннан КВЗның ветераннар белән эшләү буенча вәкаләтле вәкилләре аларның өйләренә барды, бүләкләр һәм акчалата бүләкләр тапшырды.
"Вертолеты России" холдингы "Казан вертолет заводы" ГАҖ материаллары буенча