Төркиянең "Севинчлер" компаниясе: без Татарстан җитәкчелегенә ышанабыз һәм республиканы производство ачу урыны буларак карыйбыз

2019 елның 29 апреле, дүшәмбе

Бүген Сәнәгать һәм сәүдә министрлыгында Төркия Республикасыннан "Севинчлер" компаниясе җитәкчелеге белән очрашу узды. Очрашуны министр урынбасары Герман Лернер үткәрде.  Аралашу барышында компания идарәсе рәисе Абдулбари Севинч болай дип белдерде: "Без Татарстан җитәкчелегенә тулысынча ышанабыз, безгә бу төбәк производство ачу һәм Россиягә һәм якын чит илләргә продукция җиткерүне киңәйтү өчен кызыклы".

Татарстанга беренче визиты кысаларында компания вәкилләре "Алабуга" махсус икътисадый зонасы территориясендә производствоны урнаштыру мөмкинлекләрен карый, шулай ук аларны Татарстанның якын чит илләр белән сәүдә килешүләре, таможня пошлиналары һәм салым режимнары да кызыксындыра.