Халыкара космоска очу көне

2011 елның 7 апрелендә БМО Генераль Ассамблеясының махсус пленар утырышында 12 апрель Халыкара космоска очу көне дип игълан ителгән резолюция кабул ителде. Резолюцияне кабул итүдә 60тан артык дәүләт катнашты. Россиядә 1962 елдан алып 12 апрельдә Космонавтика көне билгеләп үтелә. 1961 елның 12 апрелендә Ю.А. Гагарин “Восток” космик кораблендә “Байконур” космондромыннан старт алып, җир тирәли очыш ясый. Бу вакыйга 108 минут дәвам итә.
Татарстан Республикасы тарихында илнең космонавтика үсешенә бәйле вакыйгалар байтак. Космик аппаратлар генераль конструкторлары Сергей Королев һәм Валентин Глушко исемнәре Татарстан башкаласы белән бәйле. Казанга шулай ук Советлар Союзы Геройлары һәм Россия Геройлары Юрий Гагарин, Валентина Терешкова, Андриян Николаев, Георгий Гречко, Петр Климук һәм башкалар да килгәне бар.
2007 елның гыйнварында Казан мотор төзү җитештерү берләшмәсендә (КМПО) танылган конструктор һәм галим Сергей Павлович Королевка горельеф ачылды.
Мәгълүмат өчен:
2011 елның декабрендә Татарстан Республикасына СССР һәм Россия Федерациясе космонавтлары делегациясе килде. Аның составында Георгий ГРЕЧКО, Анатолий АРЦЕБАРСКИЙ, Василий ЦИБЛИЕВ, Александр БАЛАНДИН, Михаил КОРНИЕНКО, С.П.Королевный кызы Наталия КОРОЛЕВА; С.П.Королевның шәхси операторы Мәхмүт РАФИКОВ бар иде. Делегация әгъзалары Татарстан Республикасы Дәүләт Киңәшчесе М. Шәймиев, А.Н. Туполев исемендәге КНИТУ студентлары һәм укытучылары белән очрашты, Казан федераль университетында булды.