Россия - Казахкъстан Хөкүмәтара комиссиясе кысаларында ярдәмче комиссия утырышлары

2018 елның 25 октябре, пәнҗешәмбе

Бүген Казанда Россия-Казакъстан Хөкүмәтара комиссиясен үткәрү алдыннан тармак эш төркемнәре һәм ярдәмче комиссияләрнең утырышлары уза.  

Көн дәвамында ике илнең тармак экспертлары төбәкара һәм чик буе хезмәттәшлеге, транспорт, ягулык-энергетика комплексы һәм сәнәгать өлкәсендә хезмәттәшлек, шулай ук авыл хуҗалыгы буенча мәсьәләләрне эш төркеме форматында караячак.

"Безнең Казакъстан белән Татарстан арасында тауар әйләнешен 1 млрд долларга кадәр арттыру планнары бар. Бу - гамәлгә ашырырлык бурыч. Быел булмаса, киләсе елга без аңа, һичшиксез, ирешәчәкбез. Тренд шактый яхшы. Хәзер елына якынча 20% үсеш бара", - дип ассызыклады Казакъстан Милли икътисад министрлыгының халыкара хезмәттәшлек департаменты директоры Кайрат Торебаев.