ТР Сәнәгать министрлыгына Һиндстанның Россия Федерациясендәге Вәкиллеге делегациясе килде

2018 елның 26 июле, пәнҗешәмбе

Һиндстанның РФдәге Вәкиллеге делегациясе Татарстанда булу программасы кысаларында ТР Сәнәгать һәм сәүдә министрлыгына килде. Һиндстанның РФдәге Вәкиллегенең сәүдә бүлегенең Беренче сәркатибе В. Гохил ханым визиты кысаларында яклар машина төзелеше, сәүдә мөнәсәбәтләре өлкәсендә Татарстан-Һиндстан партнерлыгы темалары, шулай ук Һиндстан делегациясенең булачак III GMP конференциясендә катнашуына кагылышлы мәсьәләләр хакында фикер алышты. 27-29 августта узачак фармацевтика конференциясенә Һиндстанның мәнфәгатьле булуы расланды. Шул рәвешле, дөньяда иң алга киткән фармацевтика базарларының берсе булган Һиндстанның фармацевтика базары экспертларының вәкиллекле делегациясе Казанга киләчәк.