ЯҢАЛЫКЛАР

«Алексеевск сөт заводы» ҖЧҖ «Хезмәт җитештерүчәнлеге» илкүләм проектында катнашу өчен сайлап алу процедурасын узды. Предприятие Татарстан Республикасының хезмәт җитештерүчәнлеге өлкәсендә Төбәк компетенцияләр үзәге (ТКҮ) экспертлары белән берлектә үз хезмәткәрләренең җитештерүчәнлек резервларын ачыклау һәм предприятиенең операцион нәтиҗәлелеген арттыруга комачаулый торган проблемаларны хәл итүгә өйрәтергә ниятли.

ТКҮ бурычы – предприятиенең эшче төркеменә җитештерү һәм мәгълүмати процессларны яхшырту буенча проектларны гамәлгә ашыру методологиясен үзләштерү. Моның өчен берлектә төп продуктларның берсен җитештерүне оптимальләштерү буенча сынау проекты гамәлгә ашырыла. Турыдан-туры сайлап алуда җитәкчелекнең сынау проектын гамәлгә ашыру өчен кирәкле оештыру ресурсларын бүлеп бирергә әзерлеге килештерелгән. Башта оптимальләштерү өчен иң беренче чиратта сөт продукциясе җитештерү процессы карала. Бу предприятие өчен чагыштырмача яңа юнәлеш, анда кул хезмәте җитештерүчәнлеген арттыру буенча потенциал бар.

Хәзерге вакытта заводның тулы сөт продукциясе җитештерүне арттыру чит ил компанияләре тарафыннан базар өлешен бушату сәбәпле кирәкле булып тора. Сынау проектын гамәлгә ашыру барышында кертеләчәк яхшырту предприятиегә, шул исәптән эре сәүдә челтәрләре тарафыннан куела торган азык-төлек продукциясе иминлегенә, карата таләпләргә туры килергә ярдәм итәчәк.

Татарстан Республикасында хәзерге вакытта илкүләм проектта барлыгы 157 машина төзелеше, транспорт, авыл хуҗалыгы, металлургия, төзелеш, химия, һәм азык-төлек сәнәгате, сәүдә предприятиесе катнашкан.

ТКҮ белгечләреннән адреслы эксперт ярдәменнән тыш, предприятиеләргә Сәнәгатьне үстерү фондыннан еллык 1% белән «Хезмәт җитештерүчәнлеге» программасы буенча ташламалы заем алу, «Җитештерүчәнлек алдынгылары» программасы буенча идарәче кадрларны укыту, яңа базарларга чыгару буенча «Экспорт үсеше акселераторы»на укыту, «Ворлдскиллс» программалары буенча хезмәткәрләрнең квалификациясен күтәрү кебек дәүләт ярдәме чараларыннан да файдалану мөмкинлеге бар.

Күрсәтелгән ярдәм чаралары турында тулырак мәгълүматны PPT.TATARSTAN.RU сайтында белергә мөмкин.

Татарстан Республикасы сәнәгать һәм сәүдә министры урынбасары Герман Лернер UTEP һәм DaEvet (Төркия) халыкара сәүдә платформалары вәкилләре белән очрашты.

Очрашу Татарстан Республикасы Сәнәгать һәм сәүдә министрлыгында узды, анда Татарстан һәм Төркия компанияләре арасында турыдан-туры эшлекле багланышлар урнаштыру өлешендә Татарстан Республикасы белән Төркия арасында җиңел сәнәгать өлкәсендә хезмәттәшлекне үстерү мәсьәләләре турында фикер алыштылар.

Герман Лернер үз чыгышында билгеләп үткәнчә, Төркия Республикасы белән хезмәттәшлек итъ безнең республиканың тышкы икътисадый эшчәнлегендә өстенлекле юнәлешләрнең берсе булып тора. «Әйтик, 2021 ел нәтиҗәләре буенча Татарстан белән Төркия Республикасы арасында тышкы сәүдә әйләнеше 564 млн.АКШ доллары тәшкил итте, әмма бу чик дәрәҗә түгел. Безгә омтылырлык урын бар. Татарстан яңа проектлар өчен һәрвакыт ачык, һәм без партнерларыбызга аларны гамәлгә ашыруда ярдәм итәргә әзер», - диде ул, чыгышын тәмамлап.

«Ел экспортчысы-2022» Бөтенроссия бәйгесендә катнашу өчен гаризалар кабул ителә башлый. Анда эре компанияләр, кече һәм урта бизнес компанияләре һәм шәхси эшкуарлар катнаша ала.

Гаризалар 29 апрельдән 8 июльгә кадәр кабул ителә. Катнашу бушлай.

Быел бәйгедә өч яңа номинация барлыкка килгән: «Җаваплы экспортчы (ESG)», «Иң яхшы хатын-кыз-экспортчы» һәм «Иң яхшы яшь эшкуар-экспортчы», алар халыкара сәүдә өлкәсендә иң яхшы сәясәтләрне ачыклап һәм бүләкләп кенә калмыйча, бизнес алып баруның заманча алымнарын да исәпкә алу мөмкинлеген бирә.

Бәйге «Халыкара кооперация һәм экспорт» илкүләм проекты кысаларында Россия Сәнәгать һәм сәүдә министрлыгы, Россия Икътисадый үсеш министрлыгы, Россия Авыл хуҗалыгы министрлыгы һәм Россия Федерациясе Финанс министрлыгы ярдәме белән үткәрелә, һәм аның бөтенроссия статусы дәүләтнең теләсә кайсы вәзгыятьтә экспортчыларга ярдәм итәргә теләвен һәм әзер булуын күрсәтә.

2022 елда «Ел экспортчысы» премиясе 19 номинациядә тапшырылачак: алты төп (кече һәм урта бизнес өчен аерым) һәм биш өстәмә номинациядә (компания күләменә карап).

Төп номинацияләр:

∙ «Сәнәгать өлкәсендә ел экспортчысы» (кече һәм урта эшкуарлык һәм эре бизнес өчен аерым);

∙ «Машина төзелеше өлкәсендә ел экспортчысы» (кече һәм урта эшкуарлык һәм эре бизнес өчен аерым);

∙ «АСКның база продукциясе өлкәсендә ел экспортчысы» (кече һәм урта эшкуарлык һәм эре бизнес өчен аерым);

∙  «АПКның әзер продукциясе өлкәсендә ел экспортчысы (югары чикләр)» (кече һәм урта эшкуарлык һәм эре бизнес өчен аерым);

∙ «Хезмәтләр күрсәтүче өлкәсендә ел экспортчысы» (кече һәм урта эшкуарлык һәм эре бизнес өчен аерым);

∙ «Ел трейдеры» (кече һәм урта эшкуарлык һәм эре бизнес өчен аерым).

Моннан тыш, премиягә дәгъва кылучы һәркем өстәмә номинацияләрдә катнашу өчен гариза бирә ала:

∙ «Ел ачышы» (КУЭ өчен);

• «Яңа география» (эре бизнес өчен).

∙ «Иң яхшы экспортчы хатын-кыз» (КУЭ һәм эре бизнес өчен аерым);

∙ «Иң яхшы яшь эшкуар-экспортчы» номинациясе (КУЭ өчен);

∙ «Җаваплы экспортчы ESG» (КУЭ һәм эре бизнес өчен аерым).

«Ел экспортчысы»нда җиңүчеләрне һәм призерларны билгеләү ике этапта уза: беренчесе һәр федераль округ дәрәҗәсендә уза, аннары округ этабы нәтиҗәләре буенча 1 нче урынны алган компанияләр арасыннан илнең иң яхшы экспортчылары сайлап алыначак.

Катнашу өчен гаризаны әлеге сылтама буенча электрон анкетаны тутырып бирергә мөмкин.

Башлангыч этапта экспортчылардан бары тик бер документ – салым органында исәпкә кую турындагы таныклыкның электрон күчермәсе (ИНН күчермәсе) генә соратып алыначак.

Бәйге турында тулырак белешмәләрне https://awards.exportcenter.ru/ сылтамасы буенча белергә мөмкин.

Бәйгедә Россия Федерациясе бюджеты каршында салымнар, җыемнар, иминият кертемнәре, пенялар һәм штрафлар, вакытында түләнмәгән бурычлары булмаган компанияләр катнаша ала. Премиягә чит ил юридик затлары, шулай ук устав капиталында офшор зоналарында теркәлгән чит ил юридик затларының катнашуы 50% артып киткән юридик затлар тарафыннан гамәлгә куелган компанияләр дә дәгъва кыла алмый.

Бүген «Казан дәүләт казна дары заводы» ФКП территориясендә Татарстан Республикасы Президенты Рөстәм Миңнеханов, Россия Дәүләт Думасының Икътисад сәясәте комитеты рәисе Максим Топилин, Россия Федерациясе сәнәгать һәм сәүдә министры урынбасары Олег Бочаров, республика министрлыклары, ведомстволары һәм сәнәгать предприятиеләре вәкилләре катнашында «Сәнәгать үсеше турында» дигән темага киңәшмә узды.

Чара кысаларында мәртәбәле кунаклар өстәмә һөнәри белем бирү һәм укыту-һөнәри белем бирү үзәген, махсус эшләнмәләр производствосын һәм сынау полигонын карадылар.

Үз чыгышында Альберт Кәримов Татарстан сәнәгатен үстерү нәтиҗәләре турында сөйләде. Беренче квартал нәтиҗәләре буенча, предприятиеләр тарафыннан төяп җибәрелгән продукция күләме 1,2 трлн.сум тәшкил итә, сәнәгый җитештерү индексы – 112,9%.

Сәнәгый җитештерү индексына нефть эшкәртү, нефть чыгару, резин җитештерү, химия производствосы уңай йогынты ясаган. Сәнәгый җитештерү үсеше компьютерлар, электроника, машиналар һәм җиһазлар, шулай ук автотранспорт чаралары җитештерү төрләре буенча билгеләнгән.

«Дус булмаган илләр тарафыннан кертелгән чикләүләр чит ил чималы һәм комплектлау әйберләре белән тәэмин итүгә югары дәрәҗәдә бәйлелелек булуын күрсәтте. Бу проблеманы хәл итү өчен, предприятиеләр алдында альтернатив тәэминатчыларны эзләү бурычы тора. Безнең тарафтан предприятиеләр арасында үзара хезмәттәшлекне җайга салу буенча актив эш алып барыла. Эш төркемнәре төзелде, атна саен сәнәгать предприятиеләре катнашында киңәшмәләр үткәрелә. Бу чаралар кайбер компанияләргә кыска вакыт эчендә чит ил компонентларын илебездә һәм чит илдә җитештерелгән  аналогларга алмаштыру мөмкинлеген бирде», – дип билгеләп үтте министр.

«Бүген икътисадның теләсә нинди үсешенә әзер булырга кирәк. Без импортны алыштыру, логистика һәм кадрлар белән тәэмин итү мәсьәләләрен хәл итүне тизләтергә тиеш. Инде башланган инвестицион проектларны, агымдагы өстенлекләрне исәпкә алып, дәвам иттерү генә түгел, ә элек чит ил җитештерүчеләре биләгән урыннарны үзләштерү мөмкинлегеннән дә файдалану зарур», – дип нәтиҗә ясады ул.

Алберт Кәримов сәнәгать предприятиеләренең киберкуркынычсызлыгын тәэмин итү мәсьәләсенә аерым тукталды. 2022 елның мартында Татарстан Республикасы Иминлек советы тарафыннан киберкуркынычсызлык буенча эшнең төп юнәлешләре билгеләнгән, шулай ук предприятиеләргә Мәгълүмат куркынычсызлыгы буенча техник һәм экспорт контроле буенча федераль хезмәт күрсәтмәләре җибәрелгән. 

Россия Президенты Владимир Путин 2022 елның 1 маенда киберкуркынычсызлыкны тәэмин итү чаралары турында указга кул куйды, аның нигезендә оешма җитәкчеләренә оешмаларның мәгълүмати иминлеген тәэмин итү өчен шәхси җаваплылык йөкләнде. 

Чара ахырында Татарстан Республикасы Президенты Рөстәм Миңнеханов предприятиеләрне «1941-1945 елларда хезмәт батырлыгы предприятиесе» дигән мактаулы исем белән бүләкләде

Узган атнада Татарстан Республикасы Президенты Рөстәм Миңнеханов тиешле указга кул куйды.

Бүген «Сәнәгать үсеше турында» киңәшмәсе кысаларында республика сәнәгать предприятиеләрен «1941-1945 елларда хезмәт батырлыгы предприятиесе» исеме белән бүләкләү тантанасы булды.

Әлеге исемгә Татарстан Республикасының оборона-сәнәгать комплексындагы 14 предприятие лаек булган, алар арасында: «ВАКУУММАШ» АҖ, «А.М.Горький исемендәге Зеленодольск заводы» АҖ, «Казан төгәл машина төзелеше заводы» ФКП, «Казан оптика-механика заводы» АҖ, «Казан вертолет заводы» АҖ, «Казан «Электроприбор» заводы» ААҖ, «КМПО» АҖ, Казан С.П.Горбунов исемендәге авиация заводы - «Туполев» ГАҖ филиалы, «ТАСМА» ФҖП» ҖЧҖ, «Мелита» ҖЧҖ, «ГосНИИХП» ФКП һәм «Казан дәүләт казна дары заводы» ФКП.

«Бөек Ватан сугышы елларында безнең заводларда фронт өчен стратегик мөһим продукция җитештерелгән. Бүген безгә сәнәгать предприятиеләренең безнең уртак җиңүебезгә керткән өлешен мәңгеләштерү мөһим, – дип билгеләп үтте Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Альберт Кәримов

Исегезгә төшерәбез, 2020 елның 2 июлендә «Җиңү» Россия оештыру комитеты утырышы нәтиҗәләре буенча, Россия Федерациясе Президенты Владимир Путин Указы белән Татарстан башкаласы илнең башка 18 шәһәре арасында «Хезмәт батырлыгы шәһәре» дигән мактаулы исемгә лаек булды.

Бүген Казанда Казан Гипронииавиапром җитәкчесе Борис Тихомировка барельеф ачтылар.

Барельеф Дементьев ур., 1 адресы буенча Гипронииавиапром бинасында урнаштырылган.

Чарада Татарстан Республикасы Президенты Рөстәм Миңнеханов, Россия Федерациясе Сәнәгать һәм сәүдә министры урынбасары Олег Бочаров, "Берләшкән авиатөзелеш корпорациясе" ГАҖ генераль директоры Юрий Слюсарь, "Технодинамика" АҖ генераль директоры Игорь Насенков, предприятие ветераннары катнашты.

Борис Тихомиров предприятиедә 50 ел эшләгән, бирегә 1970 елда студент эскәмиясеннән килгән.

Барельефны ачу тантанасында Рөстәм Миңнеханов билгеләп үткәнчә, Борис Тихомиров – үзе турында якты эз калдырган уникаль кеше булган. "Мин аны шәхсән белә идем һәм бик хөрмәт итәм, - диде Рөстәм Миңнеханов. – Ул үз Республикасының, үз иленең патриоты иде. Аның эше яшәячәк".

Рөстәм Миңнеханов шулай ук Борис Тихомировның Казан Гипронииавиапром бинасында барельеф урнаштыру инициативасы белән чыккан хезмәттәшләренә рәхмәт белдерде.

Олег Бочаров, шулай ук барельеф Борис Тихомиров турындагы истәлекне саклап калу мөмкинлеге бирә, дип ассызыклады.

Юрий Слюсарь искә төшергәнчә, Тихомиров – эшенә бөтен гомерен биргән кеше. Ул ассызыклаганча, Тихомиров ярдәме белән институт Советлардан соң куәтле предприятие буларак сакланып калган.

Барельефны ачканнан соң чарада катнашучылар, предприятие ветераннары аңа чәчәкләр салдылар.

Бүгенге көндә төп максат – предприятиеләрнең тотрыклы эшләвен һәм үсешен тәэмин итү. Бүген бу хакта Татарстан Республикасы Президенты Рөстәм Миңнеханов республика сәнәгатен үстерү буенча киңәшмәдә хәбәр итте. Чара Казан дәүләт казна дары заводында узды.

Татарстан Республикасы сәнәгать һәм сәүдә министры урынбасары Родион Карпов «Татнефть» ГАҖ һәм республика югары уку йортлары, оешмалары арасында кооперация чылбырларын җайга салу буенча киңәшмә үткәрде.

Киңәшмә кысаларында Татарстанның нефть чыгару һәм нефть эшкәртү өлкәсендә әйдәп баручы компаниясенең үзара хезмәттәшлеге турында «Татнефть» ГАҖ Технологик үсеш үзәгенең перспективалы үсеше буенча баш эксперты Евгений Акъегетов сөйләде.

Чарада «Казан милли тикшеренү технология университеты» ЮҺБ ФДБМУ, «А.Н.Туполев исемендәге Казан милли тикшеренү техник университеты – КАИ» ЮҺБ ФДБМУ, «Казан дәүләт энергетика университеты» ЮҺБ ФДБМУ, «Әлмәт дәүләт нефть институты» ЮҺБ ФДБМУ, «Казан (Идел буе) федераль университеты» ЮҺБ ФДБМУ, «Иннополис университеты» ЮҺБ АКО, Татарстан Республикасы Фәннәр академиясе, Татарстан фәнни-техник мәгълүмат үзәге, Татарстан Республикасы Инвестиция-венчур фонды һ.б. вәкилләре катнашты.

Киңәшмә барышында яклар импортны алыштыру технологияләрен, продукциясен булдыру буенча үзара файдалы кооперация чылбырларын төзү максатларында компанияләр һәм фәнни оешмаларның тырышлыгын берләштерергә кирәклекне хуплады.

Исегезгә төшерәбез, 5 майда, «Казан дәүләт энергетика университеты» ЮҺБ ФДБМУ һәм индустрия предприятиеләренең уртак проектларын карау буенча шундый ук киңәшмә узган иде.

Бүген Татарстан Республикасы сәнәгать һәм сәүдә министры урынбасары Родион Карпов «Казан дәүләт энергетика университеты» ЮҺБ ФДБМУ һәм сәнәгать предприятиеләре арасында кооперация чылбырларын булдыру мәсьәләләре буенча киңәшмә үткәрде.

 Киңәшмә Татарстан Республикасы Сәнәгать һәм сәүдә министрлыгында видеоконференцэлемтә режимында узды.

 »Без импортны алыштыру технологияләрен булдыру  чараларын күрергә кирәкле хәлдә торабыз, – дип билгеләде министр урынбасары. –  

«Бүген Татарстан Республикасында фәнни-технологик үсеш стратегиясен һәм «Татарстан Республикасының фәнни-технологик үсеше» дәүләт программасын формалаштыру буенча эш алып барыла. Моның өчен эшче төркем оештырылды, аның составына министрлыклар, ведомстволар, югары уку йортлары һәм республиканың әйдәп баручы предприятиеләре вәкилләре керә».

 Исегезгә төшерәбез, 2022 елның 25 апрелендә Россия Федерациясе Президенты В.В. Путин тарафыннан «Россия Федерациясендә фән һәм технологияләр унъеллыгын игълан итү турында» 231 номерлы указны (2022-2031 еллар) имзалаган, шуңа бәйле рәвештә әлеге юнәлеш үзенең әһәмиятен ассызыклый гына.

 Бөтенроссия дәрәҗәсендә фән һәм технологияләр унъеллыгының төп бурычлары билгеләнгән:

- талантлы яшьләрне тикшерү һәм эшләнмәләр өлкәсенә җәлеп итү;

- тикшеренүчеләрне һәм эшләнүчеләрне җәмгыять һәм ил үсешенең мөһим мәсьәләләрен хәл итүгә җәлеп итүгә ярдәм итү;

- Россия гражданнары өчен Россия фәненең казанышлары һәм перспективалары турында мәгълүматның үтемлелеген арттыру.

 Соңгы вакытта Татарстан Республикасы фәнни комплексының агымдагы торышына аудит кысаларында стратегик һәм гамәли сессияләрне гамәлгә ашыру; комплекслы фәнни-техник программаларны эшләү һәм тормышка ашыру өчен предприятиеләрнең гаризаларын әзерләү; алдынгы инженер мәктәпләре булдыру; Татарстан һәм  студентлар, аспирантлар һәм яшь галимнәрнең «Илкүләм интеллектуаль үсеш» фәнни-проект эшчәнлегенә ярдәм итү фонды арасында актив рәвештә хезмәттәшлек алып барыла.

Бөтендөнья хезмәтне саклау көне кысаларында Ростех дәүләт корпорациясенең «ПОЗиС» компаниясендә «Хезмәтне саклау» компетенциясе буенча «Техмаш» фәнни-җитештерү комплексының сайлап алу чемпионатына йомгак ясалган. Бәйге нәтиҗәләре буенча POZIS холдинг предприятиеләренең ТОП-5 исемлегенә кергән.

Холдинг эчендәге чемпионат вакытында, техник бирем буенча, катнашучыларга хезмәтне саклау буенча аңлатма һәм шәхси саклану чараларының шәхси карточкаларын эшләргә, документацияне тикшерергә һәм эш урыннарында хәвеф-хәтәрләрне бәяләргә, шулай ук «Җитештерү травматизмын киметү коралы буларак куркынычсызлык культурасы» темасына презентация төзергә кирәк булган.

«ПОЗиС» АҖ вәкилләре Татьяна Румянцева һәм Виктория Шилова бәйгенең барлык этапларында да хезмәтне саклау һәм сәнәгать куркынычсызлыгы өлкәсендә оештыру эшенең югары дәрәҗәсен раслап, һөнәри осталыкларын күрсәткән. 

POZIS җитештерү процессының барлык стадияләрендә хезмәткәрләрнең лаеклы хезмәт шартларын һәм куркынычсызлыгын тәэмин итү белән шөгыльләнә, төрле ресурсларны җәлеп итә, шул исәптән төрле профильле бәйгеләрдә катнаша. Ел саен заводның структур бүлекчәләре арасында эш урыннарында имгәнүләрне һәм һөнәри авыруларны кисәтү буенча эшне активлаштырырга ярдәм итүче хезмәтне саклау системасын иң яхшы оештыруга карау бәйгесе үткәрелә. Хезмәтне саклау буенча «ПОЗиС» АҖ белгечләре «Хезмәтне саклау буенча иң яхшы белгеч» республика бәйгесендә даими катнашалар, анда традицион рәвештә призлы урыннар алалар. 

Имин хезмәт шартлары, хезмәткәрләрнең сәламәтлеген һәм тормышын саклау турында кайгырту – POZIS компаниясендә тәкъдим ителгән мөһим принцип. Бу юнәлеш закон һәм башка норматив документлар таләпләренә туры китереп төзелгән тулы бер чаралар комплексын үз эченә ала. 

Предприятиедә эш урыннарында хезмәт шартлары торышын даими контрольдә тоталар. Хезмәтне саклау өлкәсендә хезмәткәрләрне үз вакытында укыталар. Мәсәлән, 2021 елда 700дән артык кеше үз белемнәрен камилләштергән.

Компания хезмәткәрләрне шәхси саклану чаралары һәм дәвалау-профилактик туклану белән тәэмин итә. 2021 елда бу максатларга 30 млн. сумнан артык акча бүлеп бирелгән. Моннан тыш, завод хезмәткәрләре мәҗбүри рәвештә медицина тикшерүләрен һәм башка мәҗбүри тикшерүләрне уза. Эшләнгән һәм расланган корпоратив стандартлар нигезендә хезмәткәрләрнең шифаханә-курорт дәвалавы оештырыла. 

«POZIS җитештерү процессының барлык юнәлешләрендә, эшчәнлеккә заманча җиһазлар, автоматлаштыру чаралары, яңа технологияләр һәм мәгълүмат системаларын кертү хисабына, завод хезмәткәрләренең хезмәт шартларын яхшырту мәсьәләләренә аерым игътибар бирә. Безнең предприятиедә травматизм һәм һөнәри авырулар булмау заводта хезмәтне саклау эшенең югары дәрәҗәдә куелуын раслый», – дип билгеләп үтте Россия Машина төзүчеләр берлегенең Татарстан төбәк бүлеге рәисе,  «ПОЗиС» АҖ генераль директоры Радик Хәсәнов.