ЯҢАЛЫКЛАР

Татарстан делегациясенең "Иннопром-2019" халыкара сәнәгать күргәзмәсенә эшлекле программасы кысаларында рәсми затлар белән берничә эшлекле очрашу узды.

Бүген ТР Президенты Рөстәм Миңнеханов һәм ТР сәнәгать һәм сәүдә министры Альберт Кәримов Төркиянең сәнәгать һәм технологияләр министры Мостафа Варанк белән очрашты.

Очрашуда Татарстан Республикасының Төркия Республикасы белән сәүдә һәм икътисадый мөнәсәбәтләрне үстерү белән кызыксынуы турында билгеләп үтелде. Төркия безнең республиканың әйдәп баручы тышкы икътисадый партнерларының берсе, бүгенге көндә күп кенә интенсив эшлекле элемтәләр урнаштырылган. Татарстанда төрле Төркия бизнес-проектлары уңышлы гамәлгә ашырыла, Төркия предприятиеләре эшли.

Төркия сәнәгать һәм технологияләр министры үзара хезмәттәшлекне үстерү һәм җайга салу, сәүдә-сәнәгать элемтәләрен үстерү кирәклеге турында билгеләп үтте.  

Шулай ук күргәзмә кысаларында Татарстан делегациясе Урал тау-металлургия компаниясе генераль директоры Андрей Козицын белән дә очрашты. Яклар үзара хезмәттәшлекне алга таба үстерү мәсьәләләре буенча фикер алышты.

Бүген Татарстан вәкилләренең "Джошкуноз Холдинг" генераль директоры Эрдем Аджай белән очрашуы тагын бер мөһим вакыйга булды, анда яклар шулай ук уртак партнерлык перспективалары турында фикер алышты.

"Джошкуноз Холдинг" – автомобиль төзелеше, оборона һәм авиация сәнәгате, яңадан торгызыла торган энергия һәм башка өлкәләрдә эшләүче 14 заводтан торган компанияләр төркеме.

ТР Президенты матбугат хезмәте материаллары буенча

7 июльдә Татарстан Республикасы сәнәгать һәм сәүдә министры рәсми визит белән Свердлау өлкәсенә килде. Визитның төп максаты – 2019 елның 8 июленнән 11 июленә кадәр Екатеринбургта уза торган "Иннопром-2019" халыкара сәнәгать күргәзмәсендә булу.

Унынчы юбилейлы "Иннопром-2019" күргәзмәсе быел "Екатеринбург-ЭКСПО" халыкара күргәзмәләр үзәге составында яңа конгресс-үзәктә узачак. Күргәзмәнең темасы - "Цифрлаштыру: интеграцияләнгән чишелешләр".

Халыкара катнашучылар арасында күргәзмәдә Германия, Япония, Италия, Кытай, Швейцария, Корея, ЕЭС илләре сәнәгать предприятиеләрен һәм башкаларны очратырга мөмкин булачак. Төркия Республикасы партнер-ил булып тора.

"Иннопром-2019" чарасын тантаналы ачу узган шимбәдә "Космос" киноконцерт театрында узды. Тантанада 2000 артык кеше катнашты. Күргәзмәнең төп темасы уңаеннан тамашачыларга уникаль мультимедиа тамашасы тәкъдим ителде.

Татарстан Республикасы Президенты Рөстәм Миңнеханов җитәкчелегендәге Татарстан делегациясенең эшлекле программасы 8 июльдә күргәзмә павильоннарын караудан башланды, анда 600 компания үз продукциясен тәкъдим итте, шуларның 200 артыгы – чит ил предприятиеләре.

Делегация Төркия Республикасы экспозициясен карады, аның павильонында 40 артык компания тәкъдим ителгән иде. Россия павильоннарында "Ростех", "ЧТПЗ", "УГМК", "Лазер үзәге" һ.б. предприятиеләр тәкъдим ителде.

Татарстан Республикасы стендында "Эйдос-Робототехника" ҖЧҖ, "Автоматлаштыру, үлчәүләр, инжиниринг" ФТҮ, "РариТЭК Холдинг" АҖ, "КМПО" АҖ, "Элекон заводы" АҖ һәм башкалар үзләренең потенциалын тәкъдир итте.

Шулай ук күргәзмә кысаларында Татарстан делегациясе Урал тау-металлургия компаниясе генераль директоры Андрей Козицын белән дә очрашты. Яклар үзара хезмәттәшлекне алга таба үстерү мәсьәләләре буенча фикер алышты.

Бу көннең мөһим вакыйгасы шулай ук Төмән өлкәсе территориясендә газ-мотор базарын үстерү буенча "РариТЭК Холдинг" АҖ һәм "Газинвестпроект" ҖЧҖ арасында үзара хезмәттәшлек турындагы килешүгә кул кую булды.

ТР Президенты матбугат хезмәте материаллары буенча, фото www.innoprom.com сайтыннан алынды

Бүген Татарстан Республикасы Сәнәгать һәм сәүдә министрлыгында министр урынбасары Алексей Савельчев "ADCO" һәм "Avrasya" компанияләренең идарә рәисе, генераль директор Сельчук Аката әфәнде белән очрашты.

Сельчук Аката әфәнде Казанга Татарстанның нефть сәнәгате базары белән танышу, шулай ук республиканың профильле сәнәгать предприятиеләре белән очрашу өчен эш визиты белән килгән.

Очрашу барышында яклар Төркия компанияләренең Татарстан сәнәгать предприятиеләре белән хезмәттәшлек итү мөмкинлеге турында фикер алышты. Алексей Савельчев республиканың нефть базары эшчәнлеге үзенчәлекләре турында сөйләде һәм Министрлыкның кирәкле мәгълүмати ярдәм күрсәтергә әзер булуы хакында белдерде.

"ADCO", нефть сәнәгате өчен махсус химия белән тәэмин итүче буларак, төбәкнең нефть компанияләренә үз өстәмәләрен, химикатларын һәм башлангыч продуктларын тәкъдим итү, шулай ук Татарстан җитештерүчеләреннән чимал һәм әзер продукция сатып алу белән кызыксына.

"Avrasya" подрядчы һәм сервис компаниясе проектлауда, матди-техник тәэмин итүдә һәм төзелештә, шулай ук төбәктәге нефть-газ секторы өчен җиһазлар белән тәэмин итүдә катнашуда кызыксына.

2019 елның 6 июлендә Альберт Кәримов China Energy Engineering Corp Ltd (CEEC) Кытай энергетика холдингы вәкилләре белән очрашты. Очрашу киңәйтелгән составта узды, анда Россия Федерациясе һәм БДБ илләрендәге China Power Engineering Consulting Group вәкиле Алексей Дерябин, "Газпром СтройТЭК Салават" АҖ НИР вәкиле Александр Ксенитов, Татарстан Республикасы нефть чыгару компанияләренең Татарстан Республикасы дәүләт хакимияте органнарында вәкиле Ленар Хөсәенов һәм Министрлыкның тармак бүлекләре вәкилләре катнашты.

Чара барышында Зәй ГРЭСын модернизацияләү, полипропилен җитештерү һәм аның белән тәэмин итү мөмкинлекләре һәм җылылык белән тәэмин итү өлкәсендә энергонәтиҗәле технологияләр кертү буенча яңа чишелешләр турында фикер алыштылар.

"Казан вертолет заводы" ГАҖ хезмәткәрләре эшлекле уенда катнашты, ул яшьләр белән эшләү системасын төзү буенча комплекслы проект кысаларында предприятие хезмәткәрләре компетенцияләрен диагностикалауның турыдан-туры этабы булды. Диагностиканың читтән торып үткәрелгән этабы анкета тутырудан һәм онлайн-сораштыру үткәрүдән гыйбарәт иде.

Төрле цехлардан һәм бүлекләрдән 45 хезмәткәр бизнес-симуляторда сыналды. Бу стратегик уен, аның кагыйдәләре буенча командалар үз корпорациясен үстерү белән шөгыльләнә: холдинглар сатып ала, аларның табышларын арттыра, җыелган акчаларны кертә һәм суперхолдинглар төзи. Уен дәвамында катнашучылар тышкы тотрыксызлык факторлары – кризис, кредит бирү кирәклеге һәм башка авырлыклар белән очраша. Иң нәтиҗәле корпорацияне төзегән команда ота.

Диагностиканың ике этап нәтиҗәләре буенча Ростех академиясе корпоратив компетенцияләрне үстерү һәм күрсәтү дәрәҗәсен билгеләячәк һәм һәр хезмәткәрнең киләчәктә профессиональ үсеше турында рекомендацияләр белән җентекле бәяләмә бирәчәк. КВЗ яшьләре белән эшләү программасына да төзәтмәләр кертеләчәк.

"Ростехның яшь профессионаллары" программасының максаты – холдинглар һәм предприятиеләрнең дәүләт корпорациясенә керүче яшьләр белән эшләүнең комплекслы системасын формалаштыру. Программаның төп элементлары – актуаль проектларның инициаторы, башлап җибәрүчесе булырга сәләтле югары квалификацияле хезмәткәрләрне, технологик лидерларны ачыклау һәм үстерү.

КВЗда даими рәвештә персоналны укыту эше алып барыла. Әйтик, 2019 елның апрель ахырында предприятиедә барыннан бигрәк үзара хезмәттәшлек итүче бүлекчәләр җитәкчеләре өчен команда хасил итүче  тренинглар узган. 2019 ел башыннан Казан вертолет заводының 312 хезмәткәре төрле укыту программаларында катнашкан.

"Казан вертолет заводы" ГАҖ матбугат хезмәте материаллары буенча

Бүген ТР Сәнәгать һәм сәүдә министрлыгында яңа истәлекле китаплар әзерләү һәм нәшер итү һәм республика сәнәгатенең күренекле шәхесләренең истәлеген мәңгеләштерү буенча киңәшмә узды. Киңәшмәне Вице-премьер Альберт Кәримов үткәрде. Басмалар Бөек Ватан сугышында Җиңүнең 75 еллыгын һәм ТАССР төзелүнең 100 еллыгын бәйрәм итүгә багышланган.

Берничә китап нәшер итү планлаштырыла, аларның һәркайсы билгеләнгән тарихи вакыйгаларга сәнәгатьчеләр һәм галимнәр тарафыннан кертелгән тырышлыкка багышланачак. Материаллар республика предприятиеләреннән, ТР Фәннәр академиясеннән, архив белешмәләреннән алыначак, эшләрне координацияләү өчен өч эш төркеме төзеләчәк.

"Бу максатларны, бурычларны төгәл аңлап, уртак һәм җайга салынган эш булырга тиеш һәм иң мөһиме: срокларны саклау", – дип ассызыклады министр.

 Барлыгы берничә китап чыгару планлаштырыла:

 - сугыш елларында эшләүче предприятиеләрнең күренекле җитәкчеләре турында җыентык

 - сугыштан соңгы елларда эшләүче предприятиеләрнең күренекле җитәкчеләре турында җыентык (1950-2000 еллар)

- республика үсешенә зур өлеш керткән күренекле предприятиеләр җитәкчеләре турында китап-биографияләр.

"Түбән Кама нефть химиясе" ГАҖ Россия Сәнәгать һәм сәүдә министрлыгы һәм Россия Химиклар берлеге ярдәмендә Мәскәүдә узган Пластмасса эшкәртүчеләр берлегенең III форумында катнашты. Бөтен илдән пластмасса җитештерүче дистәдән артык эре предприятие тармакның торышы һәм проблемалары, шулай ук аларны чишү юллары турында фикер алышырга җыелды.

Форумда катнашучылар фикеренчә, тармакның төп проблемаларының берсе – пластмассадан эшләнмәләр җитештерүнең түбән маржинальлеге. Сәбәпләр арасында Россия икътисады үсешенә карата тармакның алгарышлы үсеш темплары аталды. Әзер продукцияне экспортка юнәлдерү әлеге проблеманы хәл итәргә мөмкин.

Якындагы алты елда химия тармагына дәүләт ярдәме чараларын күп очракта экспорт потенциалын арттыруга юнәлдерү планлаштырыла. Ярдәм чаралары, шулай ук, Россиядә җитештерелми торган продукциягә кертелә торган пошлиналарны киметү юлы белән, илнең таможня-тариф сәясәтенең актуальлеген тәэмин итүдә һәм җитештерү артык булган продукциягә пошлиналарны арттыруда чагылыш табарга тиеш. Моннан тыш, полимерлардан эшләнгән эшләнмәләргә чит ил пошлинасы ставкалары полимер ставкаларыннан түбән булмаска тиеш.

Форум нәтиҗәләре буенча докладчылар тарафыннан әйтелгән тәкъдимнәр базасында Форумның резолюциясен формалаштыру һәм аны пластмасса эшкәртүчеләр берлегенең алдагы эше өчен куллану планлаштырыла.

"Түбән Кама нефть химиясе" ГАҖ матбугат хезмәте материаллары буенча

РФ халкына РФ субъектларының башкарма хакимият органнары һәм муниципаль берәмлекләр администрацияләре эше турында мәгълүмат бирү бурычын күздә тотып, ил халкының тормыш дәрәҗәсен һәм сыйфатын күтәрү мәсьәләләрендә, "Новости России", "Федеральный справочник" һәм "Экономическая политика России" журналы редакциясе РФ субъектларының иҗтимагый яңалыклар сервисын формалаштыра https://okolitsa-info.ru

Әлеге түләүсез мәгълүмат ресурсының максаты – кеше тормышының барлык аспектлары турында мәгълүматны оператив рәвештә урнаштыру:

- территорияләрне социаль-икътисадый һәм инвестицион үстерү өлкәсендәге чаралар,

 - финанс тотрыклылыгын тәэмин итү һәм бәя кую стратегияләрен эшләп чыгару,

 - эшкуарлыкны һәм кулланучылар базарын үстерү,

- торак төзелеше һәм шәһәр төзелеше,

- сәнәгать һәм транспорт инфраструктурасын яңарту,

- АСК, ТКХ, ягулык-энергетика комплексы һәм экологик куркынычсызлык системасын камилләштерү,

- ветеринария эшчәнлеген һәм лицензия контролен гамәлгә ашыру,

- сатып алулар һәм тарифларны җайга салу, халыкны эш белән тәэмин итү һәм хезмәт мөнәсәбәтләре өлкәсендә контракт системасын җайга салу,

- азык-төлек иминлеген, табигый, мәдәни, спорт-туристлык, фәнни-мәгариф потенциалын ныгыту,

- мәгълүматлаштыру һәм элемтә, ГХАТ органнары һәм нотариат, медицина ярдәме, Россия Федерациясе халкын граждани, хокукый һәм социаль яклау хезмәтләренең һәркем өчен мөмкин булу дәрәҗәсен арттыру һәм сыйфатын күтәрү.

Яңалыкларны "Шәхси кабинет" җиңелләштерелгән функционалында бастырып чыгару мөмкин https://okolitsa-info.ru/account/

"Новости России" мәгълүмат агентлыгы мәгълүматы

Бүген Татарстан Республикасы Сәнәгать һәм сәүдә министрлыгында Татарстан Республикасының халыкара медицина кластерын оештыру турында фикер алыштылар.

Әлеге тема кысаларында Альберт Кәримов һәм Алексей Савельчев РФ Дәүләт Думасы депутаты Айрат Фәррахов белән берлектә "Халыкара медицина кластеры турында һәм аерым закон актларына үзгәрешләр кертү хакында" 2015 елның 29 июнендәге 160-ФЗ номерлы федераль законга үзгәрешләр кертү турында" федераль закон проектын карау мәсьәләләре буенча фикер алышты.

Әлеге закон проектын эшләү турында йөкләмә ТР Президенты Рөстәм Миңнеханов тарафыннан бирелгән. Проект ТР Сәнәгать һәм сәүдә министрлыгы тарафыннан "ФармМедПолис" ҖЧҖ белән берлектә эшләнде һәм ТР Дәүләт Советы депутатлары тарафыннан хупланды.

Әлеге проект Мәскәү һәм Мәскәү өлкәсе белән фәкать Икътисадый хезмәттәшлек һәм үсеш оешмалары илләрендәге резидентлар белән, ә Татарстан Республикасының БРИКС һәм Шанхай хезмәттәшлек оешмалары илләре резидентлары белән хезмәттәшлегендә чикләү функцияләрен күздә тота.

Әлеге тема кысаларында Альберт Кәримов шулай ук "ФармМедПолис" ҖЧҖ һәм ATEM Capital инвестицион фонды вәкилләре белән дә киңәшмә уздырды. Яклар медицина сәнәгать паркын резидентлар белән тулыландыру һәм Татарстан Республикасы медицина кластерына чит ил инвестицияләрен җәлеп итү мәсьәләләре буенча фикер алышты.

Татарстан Республикасы территориясендә Халыкара медицина кластерын оештыру халык өчен традицион медицина белән дәвалауның нәтиҗәле ысулларыннан файдалану мөмкинлеген күбрәк ачарга, иң яхшы традицион медицина практикалары трансферын җайга салырга, табигый препаратлар җитештерүне локальләштерергә, шулай ук Россиядә һәм Татарстанда медицина туризмын үстерүгә ярдәм итәчәк.

Казан органик синтезында эшләүчеләргә хезмәт хакын 30% күтәргәннәр. Иң югары артым – эшчеләрдә. Бу – Казаноргсинтез хезмәткәрләренең иң күп санлы категориясе (гомуми 8,3 мең штатта 6 мең кеше). Аларның хезмәт хакы 30% арткан. Белгечләрнең оклады 10% күтәрелгән. Җитәкче вазыйфаларга индексацияләү бик аз өлештә генә кагылган. Биредә керемнәрнең артуы 3-7% тәшкил итә.

Казаноргсинтезның коллектив шартнамәсендә бер ай эчендә эш нәтиҗәләре буенча премия күләме окладның 100% дәрәҗәсендә теркәлгән булу сәбәпле, индексациядән соң хезмәт өчен түләүнең премиаль өлеше дә пропорциональ рәвештә артачак.

2019 елның биш ае нәтиҗәләре буенча сәнәгать-җитештерү төркеменең (белгечләрнең керемнәрен һәм җитәкчелек составын исәпкә алмыйча) айлык уртача кереме 49,8 мең сум тәшкил иткән. Бу шул ук чорда Татарстандагы уртача айлык керемнән 40% артыграк. Индексацияләүдән соң эшчеләрнең уртача айлык керемнәрен шулай ук 30% арттыру көтелә.

- Казаноргсинтез кебек социаль юнәлешле предприятиенең максаты – аның хезмәткәрләрен, беренче чиратта, финанс белән тәэмин итүдән гыйбарәт. Хезмәткәрләр, озак сроклы планнар кору, торак төзелеше өчен акча кертү, автомобиль сатып алу, сыйфатлы итеп ял итү өчен иртәгәсе көн өчен тыныч күңел белән яшәргә тиеш. Индексацияләү хезмәткәрләребезнең реаль керемнәрен киметмичә, аның үсешен дә тәэмин итәчәк, – дип аңлатты "Казаноргсинтез" ГАҖ генераль директоры Фәрит Миңнеголов.

Индексацияләү нәтиҗәләре буенча коллектив шартнамәсе нигезендә шулай ук оклад күләменә бәйле социаль түләүләрнең бер өлеше дә артачак. Сүз отпускка матди ярдәм, ел нәтиҗәләре буенча премияләр, юбилейларга түләүләр һәм башкалар турында бара.

"Казаноргсинтез" ГАҖдә алдагы индексацияләү бер ел элек, 2018 елның 1 августында үткәрелгән булган. Ул чакта хезмәт хакының күләме уртача 11% арткан.