ЯҢАЛЫКЛАР

"Наше время – Безнең заман" VII эшче яшьләр иҗаты ачык республика телевизион фестивален оештыручылар гариза бирү кампаниясен озайту турында карар кабул иткән – хәзер гаризаны 2019 елның 1 октябренә кадәр тапшырырга мөмкин.

Фестиваль 18 яшьтән 35 яшькә кадәрге эшче яшьләргә музыка, хореография, нәфис сүз өлкәсендә үзләрен иҗади яктан күрсәтергә уникаль мөмкинлек бирә.

Чара, анда катнашу шартлары, шулай ук гаризаны ничек тапшырырга мөмкин икәнлеге турында тулырак мәгълүматны фестиваль һәм Татарстан Республикасы Сәнәгать һәм сәүдә министрлыгы сайтыннан карагыз.

Бүген Казан шәһәре ИТ-паркында "Ел инженеры" республика конкурсының турыдан-туры этабын ачу тантанасы булды.

Тантана кысаларында узган ел "Ел инженеры" бәйгесендә җиңүчеләр бүләкләнде. Җиңүчеләргә мактау грамоталарын һәм призларны Татарстан Республикасы сәнәгать һәм сәүдә министры Альберт Кәримов тапшырды.

"Татарстан Республикасы кадрлар әзерләүгә, кеше капиталын саклауга һәм үстерүгә зур игътибар бирә", – дип ассызыклады Альберт Кәримов.

"Ел инженеры" республика конкурсының турыдан-туры этабы 2019 елның 25-26 сентябрендә Казан шәһәренең ИТ-паркында узачак. Бай эчтәлекле программа төрле рәсми һәм белем бирү чараларын үз эченә ала.

Беренче көнне катнашучыларны "Киләчәк инженериясе. Төп трендлар. 2030 елга кадәр Татарстан Республикасын үстерү стратегиясендә инженерларның роле" пленар сессиясе һәм "Киләчәк инженерының образы һәм компетенциясе" темасына проект сессиясе көтә. Финалистлар инженерия өлкәсендә әйдәп баручы экспертлар белән сөйләшә һәм тәҗрибә уртаклаша алачак.

Кичке вакытта катнашучылар өчен "QUIZ" интеллектуаль викторинасы оештырылачак.

Конкурсантлар тарафыннан шәхси казанышларны яки конкрет инженерлык эшен яклау 2019 елның 26 сентябрендә булачак, аннары "Ел инженеры-2019" республика конкурсы лауреатларын бүләкләү тантанасы узачак.

Исегезгә төшерәбез, конкурска документлар агымдагы елның 31 июленә кадәр кабул ителде. Гариза бирү кампаниясе нәтиҗәләре буенча 12 номинация буенча 258 гариза килгән, шуларның 108е конкурс комиссиясе утырышында конкурсның турыдан-туры этабында катнашу өчен сайлап алынган.

Татарстан Республикасы Сәнәгать һәм сәүдә министрлыгында бүген Харбин шәһәре (КХР, Хэйлунцзян провинциясе) делегациясе вәкилләре белән очрашу булды.

Министрлыкта кунакларны министр урынбасары Герман Лернер каршы алды.

Кытай делегациясен Харбин шәһәренең Халык хөкүмәте мэры урынбасары Чжан Ванпин җитәкләде.

Очрашуның көн тәртибендә ике төбәкнең төрле өлкәләрдәге партнерлыгы буенча фикер алышу төп мәсьәлә булды.

Кытай делегациясе вәкилләре Татарстан Республикасы һәм Харбин шәһәре арасындагы хезмәттәшлекне үстерү өчен "Харбинның яңа районы" (Харбин шәһәрендәге махсус икътисадый зона) белән эшлекле элемтәләрне җайга салырга тәкъдим иттеләр.

Эшлекле визит кысаларында Кытай кунаклары ТР Инвестицияле үсеш агентлыгында булдылар. 2019 елның 25 сентябрендә Казан мэриясендә эшлекле очрашу планлаштырыла.

Татарстан Республикасы Сәнәгать һәм сәүдә министрлыгы Сәнәгатьне үстерү фондының "Өстенлекле проектлар" исемле ташламалы займның яңа программасын гамәлгә ашыруы турында хәбәр итә.

Кредитлар сыекландырылган табигый газ (урта һәм зур тоннажлы) һәм шельф проектлары җитештерү өчен продукция булдыруга бирелә.

Шулай ук Сәнәгатьне үстерү фонды зур егәрлек турбиналары, йөк күтәрүчәнлеге 320 тоннадан арткан бораулау җайланмалары, катламның гидравлик аермасын үткәрү өчен ротор-идарә ителә торган системалар һәм җиһазлар җитештерүне дә финанслый.

Программага проектларны кертү Россия Сәнәгать һәм сәүдә министрлыгы карары буенча гамәлгә ашырыла.

Займ белән финанс ярдәме Россия сәнәгатенең өстенлекле юнәлешләрендә тормышка ашырыла торган һәм импортны алыштыруга, шулай ук тышкы базарларда конкуренциягә сәләтле югары технологияле сәнәгать продукциясен локальләштерүгә һәм җитештерүгә юнәлдерелгән проектларга бирелә.

Мөрәҗәгать итүчегә карата куелган таләпләр:

• проектның гомуми бюджеты 625 млн сумнан ким булмаска тиеш;
• мөрәҗәгать итүче ягыннан, шәхси инвесторлар яки банк хисабыннан проектның гомуми бюджетының кимендә 20%ы күләмендә проектны өстәмә финанслау буенча йөкләмә алу;

Ярдәм шартлары:

• Федераль фонд 500 млн. сумнан 2000 миллион сумга кадәр кредит бирә.
• Кредитның срогы – иң күбе 7 ел;
• ставкасы – банк гарантиясе булганда 1% һәм тәэмин итүнең башка төрләре булганда 5% .

Визит "Татнефть" компетенцияләр үзәгенең Корпоратив университеты эшчәнлеге белән танышудан башланды, анда кунакларга персоналны укыту һәм компания хезмәткәрләренең компетенцияләрен арттыру корпоратив системасы тәкъдим ителде.

"СИБУР Тольятти" делегациясе "Елховнефть"нең нефть-газ чыгару идарәсенең музей һәм җитештерү объектлары буенча экскурсия барышында нефть чыгару тарихы һәм Татарстан нефтьчеләренең заманча казанышлары белән танышты.

Эш программасы кысаларында кунаклар компаниянең Түбән Кама бизнес-секторында, аерым алганда, "Татнефть" төркемендәге КАМА TYRES шин ясау заводында булдылар.

Кунакларны тоташ металлкордлы, югары сыйфатлы йөк шиннары җитештерүнең тулы циклы белән таныштырдылар, шул исәптән әзерләү һәм җыю производстволарын, вулканизацияләү цехын һәм сыйфат инспекциясен дә күрсәттеләр.

КАМА һәм KAMA PRO маркалы тоташ металлкордлы шиннар "Кама" фәнни-техник үзәгенең халыкара белгечләр тәҗрибәсенә һәм казанышларына нигезләнеп эшләнгән. Натураль каучук һәм металлкордлы каркас нигезендә кулланыла торган резин катнашмасының составы шиннарның югары йөрешен, ныклыгын һәм ягулык экономиясен тәэмин итә.

Предприятие продукциясе куелган киң ассортиментлы күргәзмә экспозициясе кунакларның игътибарын аеруча җәлеп итте. "Түбән Кама тоташ-металлкордлы шин заводы" ҖЧҖ йөк машиналары өчен 110 төрдәге тоташ металлокордлы һәм катнаш шиннар чыгара.

"Татнефть" ГАҖ матбугат хезмәте материаллары буенча

2019 елның 21 сентябрендә "Алабуга" махсус икътисадый зонасы территориясендә "Транснефть-Синтез" турбулентка каршы утырмалар заводын ачу тантанасы узды. 

Чарада "Транснефть" ГАҖ президенты Николай Токарев, "Транснефть" ГАҖ вице-президенты Павел Ревель-Муроз, Татарстан Республикасы премьер-министры Алексей Песошин һәм башка рәсми затлар катнашты.

Завод нефть үткәргечтә турбулентлыкны киметергә, кудыру станцияләренең электр энергиясен куллануны киметергә һәм торбаүткәргечнең эксплуатацион ышанычлылыгын арттырырга мөмкинлек бирә торган заманча утыртмалар җитештерәчәк.

Яңа заводта җитештерүнең планлаштырылган күләме – елына 10 000 тоннага кадәр җитештерү куәтен исәпкә алып, 3000 тоннага кадәр.

Продукцияне потенциаль кулланучылар – нефть транспорты тармагы предприятиеләре һәм нефть чыгару компанияләре.

Мондый заводны ачу продукция импортын алыштыру буенча стратегик бурычны хәл итү юлында мөһим адым булып тора.

Белешмә:

Турбулентка каршы утырмалар эреткечтә югары молекулалы углеводород полимерының суспензиясе яки эремәсе булып тора.

 "Алабуга" МИЗ матбугат хезмәте материаллары буенча

20 сентябрь көнне В.И.Ленин исемендәге мәдәният йортында "Хезмәт кешеләре" дигән фотокүргәзмәне ачу тантанасы булды. Чарада ТР Сәнәгать һәм сәүдә министрлыгы, Авиатөзелеш һәм Яңа Савин районнары администрациясе вәкилләре һәм башка рәсми затлар катнашты.  

Тематик күргәзмә эшче белгечлекләрне популярлаштыру һәм яшьләр арасында һөнәри юнәлеш бирү эшен популярлаштыру максатыннан Казан авиация заводы тарафыннан оештырылган.

Авиаһөнәрләргә багышланган күргәзмәгә килгәч, тамашачылар самолетлар төзү өлкәсендә эш атмосферасына чумды, хезмәт кәефен тоя һәм авиация җитештерүнең эчке кухнясын карый алды.  

"Хезмәт кешеләре" – Казан авиазаводының җитештерү эшчәнлеге барышында сурәткә төшерелгән эшчеләре. 

Күргәзмәне 27 сентябрьгә кадәр карарга мөмкин.

Казан авиация заводы матбугат хезмәте материаллары буенча

"Татнефть" компаниясе Үзбәкстан Республикасы территориясендә флагманлы яңа автоягулык салу станциясен ачты.

"Татнефть"нең автоягулык салу станциясенә тантаналы презентация Ташкент шәһәрендә узды, әлеге чарада Үзбәкстан Республикасы энергетика министры Алишер Солтанов, "Татнефть" компаниясе генераль директоры Наил Мәганов һәм "Узбекнефтегаз" АҖ идарәсе рәисе Баһадирҗан Сидиков катнашты. Чарада шулай ук Үзбәкстан Республикасы министрлыклары һәм ведомстволары вәкилләре дә катнашты.

"Татнефть"нең флагманлы автоягулык салу станциясе иң заманча технологик җиһазлар һәм сервис хезмәтләре белән җиһазландырылган. Автомобильләргә ягулык салуның барлык төрләре дә тәкъдим ителәчәк – җирлектә җитештерелгән "Нормаль-80" башлап "ТАНЕКО" нефть эшкәртү комплексы җитештергән Аи-100 төренә кадәр.

Автоягулык салу станциясен тантаналы ачу кысаларында беренче килгән 5 клиентка 25әр литр бензин яки дизель ягулыгы бушлай бирелде.

"Татнефть" ГАҖ матбугат хезмәте материаллары буенча

"Нижнекамскнефтехим" ГАҖ өч хезмәткәре 9 сентябрьдән 14 сентябрьгә кадәр Сочида узган WorldSkills стандартлары буенча тармак чемпионаты нәтиҗәләре буенча бакыр медальләргә ия булган.

Ярышларда "Нижнекамскнефтехим"ның җиде хезмәткәре – 3 конкурсант һәм 4 эксперт катнашкан. Чемпионат өч компетенция буенча узган: "Лаборатор химия анализы", "Химик технологияләр аппаратчысы" һәм "Технологик җиһазларны ремонтлау". Компания хезмәткәрләре аларның һәркайсында катнашкан.

Ярыш нәтиҗәләре буенча "Нижнекамскнефтехим" ФТҮ хезмәткәре Ләйсән Муллакаева бу юнәлештә катнашкан 12 конкурсант арасында "Лаборатор химия анализы" компетенциясендә иң көчле өчлеккә кергән.

"Нижнекамскнефтехим" ГАҖ олигомерлар һәм гликольләр заводы хезмәткәре Андрей Кукарин "Химик технологияләр аппаратчысы" компетенциясендә чын осталык күрсәткән. Нәтиҗәдә компетенциядә катнашучы 16 кеше арасында бакыр медальгә лаек булган.

Компаниянең тагын бер вәкиле – слесарь-ремонтчы Радик Әгъләмов "Технологик җиһазларны ремонтлау" компетенциясендә лидерлар өчлеген япкан. Әлеге компетенциядә иң яхшысы исеменә 11 конкурсант ярышкан.

Конкурсантларның казанышларына ирешүдә "Нижнекамскнефтехим" эксперт-белгечләре зур өлеш керткән: Фәтхетдинова Наталья (6711 цехның инженер-технологы), Ильина Мария (3601 цехның әйдәп баручы белгече) һәм Роменский Артем (6525 цех мастеры).

Тармак чемпионатын "Яшь профессионаллар" Ворлдскиллс берлеге белән берлектә "СИБУР Холдинг" ГАҖ компаниясе үткәрде. Ярышларда 5 компания – “СИБУР Холдинг" ГАҖ, "Нижнекамскнефтехим" ГАҖ, "Роснефть" ГАҖ, "ТАНЕКО" АҖ һәм "Газпром" АҖ предприятиеләреннән барлыгы 100гә якын кеше катнашкан.

"Нижнекамскнефтехим" ГАҖ матбугат хезмәте материаллары буенча

Конкурс производствосы процедурасында булган Казан синтетик каучук заводы полисульфид олигомерлар, каучукның махсус маркалары һәм башка продукция өлешендә Россия Федерациясендә бердәнбер җитештерүче булып тора, шул исәптән дәүләт оборона заказы буенча тәэмин итү кысаларында да.

Шуңа бәйле рәвештә Татарстан Республикасы Сәнәгать һәм сәүдә министрлыгы тарафыннан төп кредитор – "ВЭБ.РФ" ДК, РФ Сәнәгать һәм сәүдә министрлыгы, конкурс идарәчесе белән тыгыз хезмәттәшлектә предприятиене саклау юлларын эзләү эше туктатылмады.

Стратегик партнер – "Промышленные технологии" холдингын (оборона-сәнәгать комплексы ихтыяҗлары өчен продукция җитештерү һәм китереп тору тәҗрибәсе булган КСКЗ продукциясен кулланучыны) җәлеп итү турында килешенеп, 20 сентябрьдә холдингның бер предприятиесе белән конкурс шартларында КСКЗ эшчәнлеген торгызуны күздә тоткан шартнамә имзаланган.

Шартнамә кирәкле ресурсларны, шул исәптән квалификацияле персоналны саклап калу һәм продукциянең махсус номенклатурасын җитештерүне дәвам итү максатларында агымдагы чыгымнарны түләү өчен финанс ресурсларын җәлеп итәргә мөмкинлек бирәчәк.