ЯҢАЛЫКЛАР
Бүген Татарстан Республикасы Сәнәгать һәм сәүдә министрлыгында Альберт Кәримов рәислегендә "Ел инженеры" республика конкурсын оештыру комитетының чираттагы утырышы узды, анда яклар гариза бирү компаниясенә йомгак ясады.
Конкурска документлар кабул итү быелның 31 июлендә тәмамланды. Барлыгы 258 гариза тапшырылган: "Булачак инженерлар" категориясендә 33 гариза, "Яшьлек, уңыш, перспектива" категориясендә 145 гариза һәм "Тәҗрибә, казаныш, компетентлык" категориясендә 80 гариза.
Утырыш кысаларында конкурс эшләрен бәяләү һәм финалистларны билгеләү буенча конкурс комиссиясе эшен оештыру турында карар кабул ителде.
Шулай ук конкурсны үткәрүнең алдагы планы тәкъдим ителде: финалистлар көндезге күчмә семинарга чакырылачак. Катнашучылар алдынгы техник эшләнмәләр һәм технологияләр белән таныша, төрле тармак һәм яшьтәге инженерлар белән аралаша һәм тәҗрибә уртаклаша, шулай ук белем бирү программаларында катнаша алачак.
Министр урынбасары Алмаз Хөсәенов билгеләп үткәнчә: "Әлеге конкурсны уздырганда безнең өчен инженер белгечләренең горизонталь элемтәләрен җайга салу, республикада һөнәри берләшмә оештыру мөһим".
Конкурста җиңүчеләр турыдан-туры этап узгач билгеләнәчәк. Төп приз – һөнәри компетенция юнәлеше буенча түләнгән стажировка. Моннан тыш, җиңүчеләр өчен ТР Президенты Рөстәм Миңнеханов белән очрашу да оештырылачак.
Альберт Кәримов чараны гамәлгә куючы – Казан милли тикшеренү технология университеты һәм конкурсны уздыруда ярдәм күрсәтүче "Газпром трансгаз Казан" ҖЧҖ рәхмәт белдерде.
Тэглар: конкурс Инженер года
"Ford Sollers" 170 данәдә "А" класслы маршрут таксиен һәм югары уңайлыклы "Б" класслы "Турист" автобусларын алга таба шәһәрара һәм шәһәр яны маршрутларында куллану өчен Башкортстан Республикасының Транспорт һем юл хуҗалыгы комитетына җибәрәчәк. Ford Transit автомобильләре конкурс сатып алу процедурасы кысаларында сайлап алынган һәм куелган барлык таләпләргә дә җавап бирә.
"Ford Transit"ның беренче партиядәге 110 автомобилен "Башавтотранс"ка тантаналы рәвештә тапшыру чарасы 9 август көнне Уфа шәһәрендә вакытлыча Башкортстан Республикасы башлыгы в.б. Радий Хәбиров катнашында булды.
Автомобильләр Баймак, Бәләбәй, Бирск, Дүртөйле, Красноусольск, Мәләүз, Мәсгут, Октябрь, Туймазы, Салават, Сибай һәм Учалыда "Башавтотранс" филиалларына таратылачак. Шулай итеп, 1 сентябрьгә республиканың барлык муниципаль районнарында Уфа белән бәйләп торучы транспорт элемтәсе барлыкка киләчәк.
Бүгенге көндә Ford Sollers компаниясенең R&D үзәгендә Россия клиентларының ихтыяҗларын исәпкә алып эшләнгән Ford Transit базасындагы махсус автомобиль версияләренең тулы гаммасы махсус һәм социаль билгеләнештәге транспорт модельләренең 55тән артык вариантын үз эченә ала.
Ford Transit заводы тулы цикл технологиясе буенча Алабугада Ford Sollers заводында җайга салынган, бу Россиядәге сатып алучыларга Россия шартларында эксплуатацияләүгә җайлаштырылган заманча продуктны конкурентлы бәядән тәкъдим итү мөмкинлеген бирә. База версияләрендә тоташ металл фургон, автобус һәм шасси бар, автомобильләргә өч варианттагы база озынлыгында, түбәсенең биеклеге буенча ике вариантта һәм барлык төр приводлар белән заказ биреп була. Барлык Ford Transit машиналары 2,2 л (125-155 ат көче) күләмендәге ышанычлы һәм экономияле турбодизель двигательләре белән җиһазландырыла.
Тэглар: Татарстан Ford Sollers Ford Transit Башкортостан
8 август көнне "Нефтехим Арена" мәдәни-спорт комплексында "Нижнекамскнефтехим" ГАҖ генераль директоры Азат Бикмурзин компаниянең яшьләр оешмасы вәкилләре, WorldSkills VII Илкүләм чемпионатында катнашучылар һәм экспертлар, шулай ук НХТИ һәм Түбән Каманың Н.В.Лемаев исемендәге нефть химиясе һәм нефть эшкәртү көллияте студентлары белән очрашты. Очрашу формаль булмаган шартларда "галстукларсыз" гына узды.
Аралашуның төп максаты – яшь буыннан турыдан-туры элемтә алу, яшь хезмәткәрләрне һәм студентларны борчыган мәсьәләләр хакында белү, аларны нинди перспективалар көтүе турында сөйләп, предприятиегә мөмкин кадәр күбрәк яшь белгечләрне җәлеп итү. Фикер алышу темалары төрле иде. Яшьләрне социаль яклау, һөнәри үсеш перспективалары, экология һәм компаниянең киләчәк үсешенә кагылышлы мәсьәләләр кызыксындырды. Торак белән тәэмин итү, IT-технологияләрне, хезмәт шартларын үстерү мәсьәләләре буенча фикер алыштылар.
"Нижнекамскнефтехим" ГАҖ яшьләргә ярдәм итүгә юнәлдерелгән программаларны актив гамәлгә ашыра. Хәзерге вакытта предприятиенең армия хезмәтеннән кайткан хезмәткәрләр өчен ярдәм программасы яңадан карала. Яшьләргә "күтәрелеп китү" күләмен шактый арттыру планлаштырыла. Яшь гаиләләргә ярдәм итү дәвам итә. Беренче чиратта кирәкле товарлар сатып алуга матди ярдәм бирелә, аның да суммасын арттыру планлаштырыла. Балалар туганда матди ярдәм түләнә. Бу сумма аларның санына бәйле рәвештә үзгәреп тора һәм 15-100 мең сум тәшкил итә.
2015 елда ТАИФ ДК хезмәткәрләре өчен старт алган өстәмә торак программасы ярдәмендә нефть химиячеләренең 1 400 гаиләсе яңа микрорайоннардан фатир алган. Предприятие хезмәткәре медицина тәэминатына исәп тота ала. Компаниядә спорт белән шөгыльләнү өчен барлык шартлар да тудырылган. Предприятие балансында компания хезмәткәрләре, аларның гаилә әгъзалары, шулай ук барлык түбән камалылар өчен ниятләнгән 13 спорт объекты бар. Быел предприятие ярдәме белән компаниянең балаларны савыктыру лагерьларында 2800 бала ял итәчәк. "Нижнекамскнефтехим" шәһәр инфраструктурасын үстерү буенча социаль миссияне үзенең беренче генераль директоры Н.В. Лемаев ярдәмендә нигездән үк алып бара, быел компания аның 90 яшьлеген билгеләп үтәчәк.
Тэглар: Нижнекамск WorldSkills Kazan 2019 Нижнекамснефтехим
"Нижнекамскнефтехим" ГАҖ матбугат хезмәте материаллары буенча
Бүген "Казан Гипронииавиапром" АҖ территориясендә Татарстан Республикасы Президенты Рөстәм Миңнеханов җитәкчелегендә Татарстан Республикасы сәнәгать предприятиеләре белән киңәшмә узды.
Киңәшмәдә Татарстан Республикасы Хөкүмәте әгъзалары, Президент Аппараты, Министрлар Кабинеты, тармак министрлыклары һәм ведомстволары вәкилләре, муниципаль берәмлекләр башлыклары, шулай ук республиканың сәнәгать предприятиеләре җитәкчеләре катнашты.
Киңәшмәнең төп темасы – сәнәгать үсешенең беренче яртыеллыгына йомгак ясау һәм агымдагы елның икенче яртыеллыгына бурычлар билгеләү.
ТР сәнәгать һәм сәүдә министры Альберт Кәримов доклад белән чыгыш ясады. Ул билгеләп үткәнчә, агымдагы елның беренче яртыеллыгында республиканың энергосистемасы ышанычлы күрсәткечләр күрсәткән: энергетика комплексында сәнәгый җитештерү күләме – 82,5 млрд. сум, ә сәнәгый җитештерү индексы (ИПП) 110,0% тәшкил иткән.
Нефть чыгару тармагы сәнәгый җитештерү индексының уңай динамикасына йогынты ясаган. 2019 елның беренче яртыеллыгында 18,2 млн. тонна нефть чыгарылган, сәнәгый җитештерү индексы 103,3% тәшкил иткән.
Моннан тыш, министр беренче яртыеллыкның гомуми нәтиҗәләрен билгеләде: сәнәгый җитештерү күләме – 1 трлн. 402 млрд. сум, сәнәгый җитештерү индексы – 101,3%.
Киңәшмә кысаларында республиканың сәнәгать предприятиеләре вәкилләренең тармактагы эшчәнлекләре нәтиҗәләре буенча докладлары тыңланды.
Йомгаклау сүзе белән ТР Президенты чыгыш ясады. Рөстәм Миңнеханов Татарстан Республикасы Хөкүмәтенә сәнәгать предприятиеләре эшенә йомгак ясарга һәм сәнәгый җитештерү күләмнәренең динамикасын квартал саен анализларга кушты.
Тэглар: промышленность итоги полугодия индекс промышленного производства
Бүген Татарстан Республикасы Сәнәгать һәм сәүдә министрлыгында "Логио РУС" һәм "LIAZ-Modelarna" компанияләре вәкилләре белән очрашу булды.
Көн тәртибендәге мәсьәләләрнең берсе – Татарстан Республикасында "LIAZ-Modelarna" филиалын ачу мөмкинлеге турында фикер алышу иде.
"LIAZ-Modelarna" – ЛиАЗ йөк машиналары буенча данлыклы экс-җитештерүче. Бүгенге көндә предприятие автомобиль һәм аэрокосмос сәнәгате һәм энергетика машина төзелеше өчен пресс-формалар һәм җайланмалар җитештерү белән шөгыльләнә. "LIAZ-Modelarna" эшчәнлегенең икенче юнәлеше булып нефть һәм газ үткәргечләргә техник хезмәт күрсәтүне профилактикалау өчен технологик дроннар җитештерү тора.
Шулай ук яклар агымдагы елның мартында "Logio" компаниясе вәкилләре белән узган очрашуда билгеләнгән төп пунктларның үтәлеше турында да фикер алышты.
Татарстан Республикасы сәнәгать һәм сәүдә министры Альберт Кәримов Татарстан территориясендә компания проектларын гамәлгә ашыру буенча уртак нәтиҗәле эшне билгеләп үтте.
"Logio" компаниясе тәэминат чылбырына идарә итү буенча махсуслашкан. Аның проектларының берсе – сәүдә компанияләре һәм автозаправка станцияләре өчен сату күрсәткечләрен арттырырга һәм запасларны киметергә мөмкинлек бирүче программа тәэминаты.
Көн тәртибендәге соңгы мәсьәлә – 2019 елның сентябрендә Машина төзүчеләр көне барышында цифрлы предприятие принцибы буенча "КАМАЗ" ГАҖ презентациясен уздыру кысаларында Чехия компанияләре стендын оештыру мөмкинлекләрен карау булды.
Тэглар: сотрудничество Чехия LIAZ-Modelarna Logio
Бүген ТР сәнәгать һәм сәүдә министры Альберт Кәримов Татарстан Республикасы делегациясе составында Ростов өлкәсендә.
Программа кысаларында ТР Президенты Рөстәм Миңнеханов җитәкчелегендәге делегация Азов шәһәрендә "Ай-Пласт" заводын ачу тантанасында булды (Ростов-на-Донудан 35 км).
Тантаналы чара кыскача экскурсия һәм яңа завод продукциясен тәкъдим итү белән башланып китте.
Азовтагы завод – Россия территориясендәге өченче производство (калган икесе Түбән Кама шәһәрендә һәм Владимир өлкәсендә урнашкан). 5 000 квадрат метрдан артык мәйданлы яңа җитештерү мәйданчыгы заманча Европа җиһазлары белән җиһазландырылган.
Җитештерү мәйданчыгын Россиянең Көньягында, җиләк-җимеш, яшелчә һәм башка авыл хуҗалыгы продукциясен җитештерүчеләргә турыдан-туры якын урында урнаштыру кыска вакыт эчендә һәм минималь чыгымнар белән клиентларны заманча пластик тара белән тәэмин итү мөмкинлеген бирәчәк.
Ачылу тантанасы Рөстәм Миңнехановның, Ростов өлкәсе губернаторы Василий Голубевның һәм "Ай Пласт" компаниясе акционерларының сәламләү сүзләре белән дәвам итте.
Шулай ук визит кысаларында Альберт Кәримов һәм Рөстәм Миңнеханов "Якташлар" татар-башкорт мәдәни үзәге" Ростов өлкә иҗтимагый оешмасы активы белән дә очрашты. Очрашуда катнашучылар, шул исәптән, киләсе елда Ростов-на-Донуда узачак Көньяк Сабантуйны уздыру турында фикер алышты.
Очрашу ахырында Рөстәм Миңнеханов Ростов татар җәмгыяте әгъзаларын "Фидакарь хезмәт өчен" медале һәм ТР Президенты Рәхмәте белән бүләкләде.
Татарстан делегациясенең Ростов өлкәсенә булган сәфәре Ростов өлкәсе губернаторы Василий Голубев белән очрашып тәмамланды. Очрашу кысаларында Татарстан Республикасы белән Ростов өлкәсе арасында сәүдә-икътисадый, фәнни-техник, социаль һәм мәдәни хезмәттәшлек турында килешү имзаланды.
Тэглар: Ростовская область татарская община Ай-Пласт
ТР Президенты матбугат хезмәте материаллары буенча
Бүген "Татмедиа" республика матбугат һәм массакүләм коммуникацияләр агентлыгында "Татарстанда ясалган: җирле җитештерүчеләрнең перспективалары. Хуплау һәм кабул итмәү" темасына түгәрәк өстәл булды. Чараны оештыручылар – "РБК-Татарстан" мәгълүмат агентлыгы редакциясе.
Түгәрәк өстәлнең көн тәртибендә җирле продуктларның конкурентлылык сәләте, халыкның җирле продуктларга һәм куллану өстенлекләренә ихтыяҗы, сату мөмкинлекләре, Россия һәм халыкара базарларда Татарстан брендының сәүдә челтәрләре белән хезмәттәшлеге, шулай ук җирле продукцияне экспортлау мәсьәләләре каралды.
ТР Сәнәгать һәм сәүдә министрлыгы вәкиле Резедә Миңнеханова үз чыгышында болай дип билгеләп үтте: "Россия буенча челтәрле сәүдә өлеше арта, республикада да мондый тенденция күзәтелә. Әмма Татарстанда, Башкортстан белән беррәттән, Идел буе федераль округы төбәкләре арасында статистика буенча челтәрле сәүдә өлеше иң азы. Иң зур күрсәткечләр Мари Иле Республикасында (58%), Киров (49,8%) һәм Саратов өлкәләрендә (48,9%). Республикада күп форматлы сәүдә үсешенә басым ясалды, ә безнең региональ челтәрләр катлаулы конкурентлы вәзгыятьтә позицияләрне сакларга тырыша. Шулай ук соңгы елларда федераль сәүдә челтәрләренең җирле җитештерүчеләр белән күбрәк эшли башлавын да билгеләп үтәргә кирәк, бу логистиканы гадиләштерүгә бәйле, шулай ук җирле продукция халык арасында да популяр була башлады".
Түгәрәк өстәл мәсьәләләре буенча Татарстан Республикасы Авыл хуҗалыгы һәм азык-төлек министрлыгы, Татарстандагы азык-төлек продуктлары җитештерүче-компанияләр һәм сәүдә челтәрләре вәкилләре чыгыш ясады. Алар арасында – "БКК" АҖ, "Эссен" сәүдә челтәре, "Кукмара" КЗМП һәм башкалар.
"Волга" макротөбәк дәүләт органнары белән эшләү директоры Тимур Баймуллин "Пятерочка" сәүдә челтәрендә җирле тәэмин итүчеләр белән эшнең ничек корылуы һәм аларның өлеше турында сөйләде: "Чыннан да, безнең киштәләрдә челтәрнең гомуми товар әйләнешендәге җирле товарлар өлеше уртача 30-40% тәшкил итә, ә ит гастрономиясе, сөт, икмәк-күмәч продукциясе сегментында әлеге өлеш якынча 80-90%ка җитә”.
Үз чиратында, Алсу Хәйруллина – "Алкоторг" ҖЧҖ ("Татспиртпром" АҖ) директоры урынбасары болай дип сөйләде: "Алкоголь – сәүдә челтәрләрендә төбәк җитештерүчеләре өлешен арттырырга мөмкинлек бирә торган товар категориясе ул".
Антон Мартынов – "Бәхетле-1" ҖЧҖ сәүдә маркетингы буенча директоры үз чыгышында ассызыклаганча: "Җитештерүчеләргә карата дәгъваларның берсе – продукция китерүдә тотрыклылык һәм даимилек булмау. Мәсәлән, җиләк-җимеш продукциясе буенча бездә ел әйләнәсе ихтыяҗ бар, әмма җитештерүчеләрдә бары тик сезонлы тәкъдимнәр генә. Моннан тыш, республикада хәләл продукция җитештерүчеләр җитәрлек түгел – конфет, сыр һ.б. җитештерүчеләрдән тәкъдимнәр аз. Безнең челтәр Мәскәүдә, товарларны "Татарстанда ясалган" дип билгеләп, махсус акция ясады һәм без хәләл продукциягә ихтыяҗның зур булуын ачыкладык".
Очрашу ахырында катнашучылар җирле җитештерүчеләрнең федераль челтәрләр белән ике арада проблемалары барлыкка килүе турында билгеләп үтте. Әмма аларны ачык диалог һәм даими хезмәттәшлек итү юлы белән хәл итәргә була.
1 августтан 5 августка кадәр Биләр музей-тыюлыгында "Казанның ачык талантлар университеты 2.0" коммерциясез автоном оешмасының һәм "Сәләт" фондының "Талантлар ачу" дигән җәйге яшьләр мәктәбе узды. Форум бөтен Татарстаннан 1200 артык катнашучыны берләштерде.
Мәктәп базасында Казан вертолет заводының 10 хезмәткәреннән торган эксперт төркеме һөнәри юнәлеш бирү буенча дәресләр үткәрде. КВЗ экспертлары укучыларны база технологияләре, актуаль хәл, үсешнең стратегик юнәлешләре, шулай ук вертолет төзелеше тармагында үз өлкәләренең төп чакырулар һәм проблемалар белән таныштырды.
Казан вертолет заводы форумда "Массаны киметү һәм очыш ераклыгын арттыру" һәм "Кадрлар сәясәте һәм персонал белән эшләү" дигән проект лабораторияләрен тәкъдим итте. Гипотезалар формалаштырганда һәм бирелгән темаларга проектлар эшләгәндә экспертлар мәктәп укучылары командаларына ярдәм итте. Нәтиҗәләр буенча иң тормышка сәләтле идеяләрне тәкъдим иткән җиңүчеләр сайлап алынды. Алар производствога экскурсия, заводта стажировка үтү, "ТехноПРОРЫВ" форумында катнашу һәм А.Н.Туполев исемендәге КНИТУ-КАИ максатчан укырга керү хокукына ия булды.
"Казан вертолет заводы" ГАҖ һәм "Казанның ачык талантлар университеты 2.0" АКО 2017 елның июнендә хезмәттәшлек турында килешү имзалады. Төп эш юнәлешләренең берсе – "профессиональ сынап караулар", – ике ел эчендә аларда 6281 кеше булган.
Өстәмә:
"ТехноПРОРЫВ" – реаль инженер-идарә бурычларын хәл итү барышында проект юнәлешле инженер командаларын әзерләүнең уңышлы технологиясе. Программа КВЗ хезмәткәрләре өчен конкрет күнекмәләр, коллективны берләштерү һәм нәтиҗәле эш өчен атмосфера тудыру максатларында үткәрелә
Тэглар: профориентация КВЗ летняя школа
"Вертолеты России" холдингы материаллары буенча
26 августтан башлап Татарстан Республикасы эшкуарларының экспорт бизнесындагы нигезләр һәм гамәли чишелешләр турында белү мөмкинлеге туачак. Татарстан Республикасы Эшкуарлыкка ярдәм итү фонды KPMG халыкара компаниясе белән беренче тапкыр "Экспортный Акселератор" программасын үткәрәчәк.
Чара кече һәм урта бизнес (КУЭ субъектлары) өчен үткәрелә. Программа халыкара сәүдәдә тәҗрибәле катнашучылар өчен дә, шулай ук экспорт тәҗрибәсе булмаган эшкуарлар һәм җитәкчеләр өчен дә исәпләнгән.
Экспорт Акселераторы берничә этапка бүленә.
Төп программа Казанда 2019 елның 26 августыннан 21 сентябренә кадәр узачак. Ул көндезге укытуның дүрт модуленнән тора, һәрберсенең озынлыгы – ике көн. Интенсив рәвештә укырга туры киләчәк – көненә 12шәр академик сәгать. Модульләр арасындагы тәнәфес – бер атна.
Иң көчле катнашучылар курсның икенче өлешенә узачак. Профессионаллар командасы аларга сөйләшүләр үткәрүдә һәм презентацияләр әзерләүдә ярдәм итәчәк. Экспорт Акселераторы – лекцияләргә бару гына түгел, ә актив рәвештә мөстәкыйль эшләү һәм өй биремнәрен үтәү дә. Шуңа күрә компания җитәкчелеген һәм командаларны мотивацияләү бик мөһим.
Тренерлар сыйфатында югары класслы белгечләр чыгыш ясаячак, алар арасында KPMG компаниясеннән халыкара дәрәҗәдәге экспертлар гына түгел, башка танылган спикерлар да бар. Чарага эләгү өчен берничә шартны үтәргә кирәк.
Шуларның иң мөһиме – КУЭ субъекты ТРда теркәлгән булырга тиеш.
Икенчесе – әлеге сайтка кереп, анкета тутырырга кирәк: www.rt-export.ru
ТР Эшкуарлыкка ярдәм итү фонды материаллары буенча
2019 елның 2 һәм 3 август көннәрендә "Казан ярминкәсе" күргәзмәләр үзәгендә тату һәм мото шоу, стритфуд, электрон һәм рок музыканы берләштерүче, сыра кайнату буенча бишенче юбилейлы "КазаньКрафтФест" фестивале узды.
Чараны оештыручылар – Россиянең крафтлы сыра кайнату буенча Craft Depot ассоциациясе, чара Татарстан Республикасының Visit Tatarstan һәм Сыра ассоциациясе ярдәмендә узды.
Быел "КазаньКрафтФест"та Россиядән һәм чит илләрдән сыра, сидр һәм көмешкә җитештерүче иң яхшы 70 предприятие катнашты. Фестиваль кунакларының 200 сорттагы сыра эчемлекләрен татып карау мөмкинлеге булды, 20 барга исәпләнгән гастромаркет, Бавария колбасалары, ысланган брискетлы Америка смоукерлары һәм Мексика кабымлыгы белән урам фудтраклары тәкъдим ителде.
Фестивальнең партнерлары – мотоклублар һәм студиянең тату партнерлары – үз программаларын тәкъдим итте: шоу, конкурслар һәм 100 классик мотоцикл күргәзмәсе.
Фестивальнең күңел ачу программасы базарның иң актуаль темаларына эшлекле чаралар белән үрелеп барды, аларны уздыру өчен лекторий һәм сөйләшү зоналары булдырылды.
Әйтик, ТР сәнәгать һәм сәүдә министры урынбасары Герман Лернер ТР Сыра җитештерүчеләр ассоциациясенең чираттан тыш гомуми җыелышында катнашты.
Тэглар: Казанская ярмарка крафт пиво фестиваль Ассоциация пивоваров РТ
"Казан ярминкәсе" ААҖ материаллары буенча