ЯҢАЛЫКЛАР
"Машина төзелеше. Металл эшкәртү. Эретеп ябыштыру. Казан-2019" тармак күргәзмәсенең эш программасы кысаларында Татарстан Республикасы Президенты Рөстәм Миңнеханов җитәкчелегендә Машина төзелеше предприятиеләренең координацияләү советы утырышы узды. Тугызынчы утырышның төп темасы – "Инновацияле технологияләр һәм предприятие белән идарә итүнең заманча системаларын кертү хисабына хезмәт җитештерүчәнлеген арттыру".
Машина төзелеше комплексы безнең республика икътисадында мөһим роль уйный һәм 3 меңнән артык предприятиене үз эченә ала, шуларның 150се – эре предприятиеләр.
Татарстан Республикасы Президенты Рөстәм Миңнеханов сәламләү сүзендә болай дип билгеләп үтте:
"Хәзерге вакытта без барыбыз да диярлек сәнәгатьне цифрлаштыру, җитештерү процессын оптимальләштерү, хезмәт җитештерүчәнлеген арттыру һәм технологик процессларның нәтиҗәлелеге кебек проблемаларны исәпкә алып, үсеш векторын үзгәртергә кирәк булган күренешләр белән очрашабыз".
Сәламләү сүзе белән шулай ук Тюрингия (Германия) икътисади үсеш агентлыгы генераль директоры Андреас Край, Россия сәнәгать һәм сәүдә министры урынбасары Дмитрий Овсянников һәм башка рәсми затлар чыгыш ясады.
Утырышта инновацияле технологияләр һәм предприятие белән идарә итүнең заманча системаларын кертү хисабына хезмәт җитештерүчәнлеген арттыруда реаль тәҗрибәгә ия булган компанияләрнең һәм предприятиеләр җитәкчеләренең докладлары тәкъдим ителде.
"Лин Коучинг" идарәче директоры Герт Хаар-Йоргенсен "Лин Коучинг" компаниясенең җитештерү предприятиеләрендә хезмәт җитештерүчәнлеген арттыруга якын килүе турында сөйләде:
"Кешеләрне укыту мөһим, алар практика алырга, эш урыннарында шөгыльләнергә тиеш. Без предприятие эчендә нинди проблемалар булуын күрергә ярдәм итәбез".
"Лин Вектор" ҖЧҖ директоры Марат Хөсәенов, үз чиратында, оешмаларның операцион нәтиҗәлелеген арттыру турында сөйләде:
"Системалы моментларга игътибар итәргә кирәк, мәсәлән, компаниядә нинди мотивация бар, шул исәптән финанс системасы, нинди хисап системасы һ.б. Лидер компанияләргә персоналны дөрес җәлеп итәргә мөмкинлек бирүче техникалар бар. Шулай ук без төрле төбәкләрдә дәүләт секторы һәм югары уку йортлары белән дә эшлибез".
СПбПУ ректоры Андрей Рудской машина төзелешендә инновацияле технологияләр һәм станоклар төзелешендә булган эшләнмәләр турында сөйләде, ә "Ямазаки Мазак" ҖЧҖ генераль директоры Макото Хасуо – җитештерүче Япония компаниясенең станок җиһазларын кулланып хезмәт җитештерүчәнлеген арттыру темасына тукталды.
"А.М.Горький исемендәге Яшел Үзән заводы" АҖ генераль директоры Александр Карпов хезмәт җитештерүчәнлеген арттыру проектларын гамәлгә ашыру буенча завод тәҗрибәсе турында сөйләде.
Утырышны тәмамлап, ТР Президенты Рөстәм Миңнеханов болай дип ассызыклады:
"Без техник вузларга таянырга тиеш, безнең республикада сәнәгатьнең төрле тармак предприятиеләре бар, анда илебез фәнни базасының техник эшләнмәләрен куллану мөһим".
Бүген Татарстан ДТРК радиосы эфирында (99.2 FM Казан, 92.1 FM Яр Чаллы, 103.9 FM Әлмәт, 101.1 FM Түбән Кама) "Хезмәт җитештерүчәнлеге һәм эш белән тәэмин итүгә ярдәм итү" илкүләм проектын һәм "Халыкара кооперация һәм экспорт" илкүләм проекты кысаларында икътисадның чимал булмаган секторыннан экспортер предприятиеләргә ярдәм итү буенча дәүләт программасын гамәлгә ашыру турында тапшыру чыкты.
Министр урынбасары Алмаз Хөсәенов илкүләм проект структурасына салынган төп максатлар һәм бурычлар, илкүләм проектта катнашучы предприятиеләр ирешкән икътисади нәтиҗәлелек һәм дәүләт ярдәме чаралары турында сөйләде.
Тапшыруны монда тыңларга мөмкин
Әлеге илкүләм проектларда катнашу буенча барлык сораулар белән түбәндәгечә мөрәҗәгать итәргә кирәк:
"Хезмәт җитештерүчәнлеген арттыру һәм эш белән тәэмин итүгә ярдәм итү" илкүләм проекты
Татарстан Республикасы Сәнәгать һәм сәүдә министрлыгы:
Екатерина Михайлова (843)210-02-87 Mihaylova.E.A@tatar.ru
Хезмәт җитештерүчәнлеге өлкәсендә төбәкнең компетенцияләр үзәге:
Шамил Бәйрәмов (843)272-19-41 Shamil.Bayramov@tatar.ru
"Халыкара кооперация һәм экспорт" илкүләм проекты
Татарстан Республикасы Сәнәгать һәм сәүдә министрлыгы:
Рамилә Мөхетдинова (843)210-05-88 Ramilya.Muhitdinova@tatar.ru
Сәнәгатьне үстерү фондының Экспертлар советы Татарстандагы "РИАТ" ААҖ предприятиесенә "Хезмәт җитештерүчәнлеге" программасы буенча 300 млн. сумлык кредит хуплаган. Компания җиһазлар сатып ала, җитештерү процессларын сакчыл җитештерү принципларын һәм методларын исәпкә алып оештыра һәм яңа модернизацияләнгән корпуста елына 2 меңгә кадәр махсус автомобиль җитештерә башлаячак. Үткәрелгән чаралар нәтиҗәсендә предприятиедә хезмәт җитештерүчәнлеге 2024 елга 40%ка артачак.
Алынган акчага төрле юлларда һәм климат шартларында файңадалану өчен өстәмә эшләп бетерелгән КАМАЗ автомобильләрен җитештерү өчен әзерләү, механик эшкәртү, эретеп ябыштыру, җыю һәм буяу җайланмалары комплекслары, махсус җиһазлар, үзбушаткыч һәм борт платформалары (тагылмалар), автоцистерналар һәм вакуум төягечләре өчен күп күчәрле шассилар сатып алыначак.
Производствоны җиһазлар белән тәэмин итү белән параллель рәвештә, предприятиедә канбан-системаларны, визуализация системаларын һ.б. сакчыл җитештерү принциплары һәм методлары нигезендә технологик чишелешләр җыелмасын гамәлгә кертү планлаштырыла. Моннан тыш, предприятие, CAD/CAM/CAE/ERP/APS/MES/WMS/PLM программа тәэминатын кулланып, продукция эшләү һәм чыгару процессларын "цифрлаштырырга" ниятли. Бу бердәм мәгълүмат киңлеген булдырып, аның ярдәмендә предприятиедәге идарә итүнең барлык автоматлаштырылган системалары, шулай ук сәнәгать җиһазлары (IoT - әйберләр интернеты) оператив рәвештә мәгълүмат алмаша алачак, бу исә җиһазларның һәм персоналның эш нәтиҗәлелеген бәяләргә мөмкинлек бирәчәк.
Проектның гомуми бюджеты 422,3 млн. сум тәшкил итә.
РФ Сәнәгатьне үстерү фонды матбугат хезмәте материаллары буенча
"Хезмәт җитештерүчәнлеге һәм эш белән тәэмин итүгә ярдәм итү" илкүләм проектын гамәлгә ашыру кысаларында "#ЛидерыПРО – эффектив җитештерү 2.0" федераль хакатоны үткәрелә. Икътисадның чимал булмаган секторындагы Татарстан предприятиеләрен хакатонның төбәк этабында актив катнашырга чакырабыз.
Оештыручылар чарада катнашучылар арасыннан Россия Федерациясе Икътисадый үсеш министрлыгының Экспертлар советы тарафыннан эшләнгән җитештерү һәм корпоратив кейсларны көн дәвамында хәл итәчәк командаларны формалаштырачак. 2020 елда иң яхшы карарларны тәкъдим иткән командалар Мәскәүгә гомумроссия хакатоны финалына юл тотачак, анда башка төбәкләрдән халыкара стажировкага бару хокукы өчен җиңүчеләр белән көч сынашачак.
"#ЛидерыПРО – нәтиҗәле җитештерү 2.0" хакатонында катнашу түбәндәге мөмкинлекләрне бирәчәк:
- бөтен команда өчен халыкара стажировканы оту;
- халыкара икътисад мәйданчыкларында үз проектыңны тәкъдим итү;
- "Инновация лидерлары" берләшмәсе әгъзасы булу;
- үз тәкъдимнәрең һәм ноу-хау өчен экспертлардан бәя алу;
- танышлар, компетенцияләр даирәсен киңәйтү, һөнәри күнекмәләрне яхшырту;
- үз предприятиесендә генә түгел, ә илдә дә хезмәт җитештерүчәнлеген арттыручылар командасына керү.
Хакатонны уздыру вакыты һәм урыны – 2019 елның 20 ноябре, 9:00 сәгатьтә, "Торатау" конгресс-холлы, Уфа шәһәре, Зак Вәлиди урамы, 2.
Катнашу өчен www.reglider.ru сайтында гариза калдырырга кирәк.
Катнашу мәсьәләләре буенча +7 (925) 722-26-47 телефоны аша мөрәҗәгать итәргә була.
КППК программасы буенча конкурс аша сайлап алу нәтиҗәләре билгеле булды. Татарстаннан төбәк әһәмиятендәге 11 һәм федераль әһәмияттәге 3 предприятие узган. КППК гамәлгә ашыра торган җитештерүчеләрнең бердәм исемлеге Сәнәгатьнең дәүләт мәгълүмат системасында (ГИСП) урнаштырылган һәм авторизацияләнгән кулланучылар өчен ачык булып тора.
КППК – "Халыкара кооперация һәм экспорт" илкүләм проектының конкурентлыкка сәләтле Россия сәнәгать продукциясен җитештерү һәм сату күләмнәрен арттыруга ярдәм итүгә юнәлдерелгән төп механизмнарының берсе (Россия Федерациясе Хөкүмәтенең 2019 елның 23 февралендәге 191 номерлы карары белән регламентлана).
Ведомствоара комиссия тарафыннан расланган ахыргы исемлеккә Татарстанның химия, нефть химиясе, машина төзелеше һәм урман эшкәртү сәнәгате тармакларында экспорт юнәлешле проектларны гамәлгә ашыруга бәйле 14 предприятиесе кертелгән, шулардан 3се – федераль әһәмияттәге һәм 11е – төбәк әһәмиятендәге.
Россия Сәнәгать һәм сәүдә министрлыгы белән тиешле килешүләр төзегән компанияләр, экспорт юнәлешле җитештерүләр булдыруга инвесткредитларны, аккредитивларны, факторингны һәм Россия продукциясен чит илләрдән сатып алучыларның кредитларын да кертеп, юнәлешләрнең киң исемлеге буенча ташламалы кредит алырга мөмкин. Субсидияләнгән процент ставкасы елына 4,5% тәшкил итәчәк.
Сайлап алуда җиңүчеләр ел дәвамында бер яки берничә кредит оешмасы белән ташламалы финанс бирү турында килешү төзергә тиеш. Компанияләр ярдәм күрсәтүнең иң яхшы шартларын сайлап алу өчен программада катнашучы берьюлы берничә банкка мөрәҗәгать итәргә хокуклы.
Программа турында тулырак монда.
minpromtorg.gov.ru, strategy24.ru сайтларындагы материаллар файдаланылды
Эш программасы кысаларында семинарда катнашучылар "А.М.Горький исемендәге Яшел Үзән исемендәге заводы"нда булдылар. 2017 елда "А.М.Горький исемендәге Яшел Үзән заводы" АҖ "2017-2025 елларга Татарстан Республикасында хезмәт җитештерүчәнлеген арттыру һәм халыкны эш белән тәэмин итүгә ярдәм итү" өстенлекле программасында катнашучылар арасында АҖ белгечләре тарафыннан "РОСАТОМ"ның иң яхшы тармак һәм дөньякүләм сакчыл җитештерү тәҗрибәсе"н ("lean – технологияләр") кертү өчен пилот предприятие сыйфатында сайлап алынган.
Методологияне эшкәртү өчен сынау проектлары сыйфатында 8нче номерлы эш әйберләре цехы һәм 6нчы номерлы трубомедницк цехы билгеләнгән.
8нче номерлы эш әйберләре цехы һәм 6нчы номерлы трубомедницк цехын тәкъдир итүдә делегатларга әлеге участокларда хезмәт җитештерүчәнлеген арттыруга юнәлдерелгән "Сакчыл җитештерү" инструментларын куллануның арадаш нәтиҗәләре турында сөйләделәр.
8 нче цехта программаны тормышка ашыру эшләнмәләр ясау процессының үтү вакытын 3,4 тапкырга кыскартырга; запасларны 62% киметергә; персоналны эш белән тәэмин итүне уртача 89% кадәр арттырырга; җайланмаларны эш белән тәэмин итүне 85% кадәр арттырырга; дистанцияне һәм транспортлау вакытын 41% киметергә; партия күләмнәрен 4,8 тапкыр киметергә мөмкинлек биргән. Бер детальне 52,6 минуттан 33,7 минутка кадәр эшләп чыгару авырлыгының күрсәткече кимегән, бу хезмәт җитештерүчәнлеген 36% арттырырга һәм 2018 ел өчен ике млн сумнан артык икътисадый нәтиҗә алырга мөмкинлек биргән, һәм бу бер эшләнмә буенча гына.
Узган ел 6нчы цехны цифрлаштыру проекты буенча зур эш башкарылган. Производствоны әзерләү контурында үзәк складтан һәм узеллардан керүче товар-матди кыйммәтләрне, цех-җитештерүчеләрдән килүче детальләрне, комплект өлешләрне адреслы склад исәбенә алу эше автоматлаштырылган. 6-нчы номерлы трубомедницк цехында, штрих-кодлаштыру кулланып, үлчәү берәмлекләрен яңадан исәпләү һәм монтаж сызымнарына туры китереп, җитештерүгә бирү мөмкинлеге булган характеристикалар киселешендә, данәле торбалар кертүне исәпкә алу гамәлгә кертелгән.
Бүгенге көндә әлеге цехта төрле материаллардан һәм төрле диаметрлы 320 атамалы торба бар. Конкрет башкаручыга беркетеп, торба бирүнең исәбен алып бару өчен торба "паспорты"н оештыру төп чишелеш булган. Кертелгән система торба бирү белән берлектә штрих-коды буенча паспорттагы язмаларына карап, аны кире кабул итү мөмкинлеген дә бирә.
Визит барышында кунаклар заводның җитештерү цехларын карады, предприятиенең яңа эшләнмәләре һәм перспектив проектлары белән танышты.
"Горький ис. Яшел Үзән заводы" АҖ материаллары буенча
Бүген 75 еллык тарихы булган "Вакууммаш" АҖ заводында "Хезмәт җитештерүчәнлеген арттыру һәм халыкны эш белән тәэмин итүгә ярдәм итү" РФ Илкүләм проекты кысаларында предприятие тарафыннан гамәлгә ашырыла торган пилот проектына йомгак ясалды. Нәтиҗә ясауда Татарстан Республикасы сәнәгать һәм сәүдә министры урынбасары Алмаз Хөсәенов, "Федераль компетенцияләр үзәге" АКБО экспертлары, төбәкнең компетенцияләр үзәге вәкилләре, завод һәм министрлык хезмәткәрләре катнашты.
Чара "Вакууммаш" АҖ генераль директоры Евгений Капустин презентациясе белән башланып китте. Ул Россиянең вакуумлы машина төзелеше үзәге буларак үзен тәкъдим итүче предприятиенең үсеш стратегиясе турында сөйләде. Заводка 75 ел, шуның 60 елын предприятие вакуум техникасы базарында эшли һәм 25 ел Германиянең стратегик партнеры – Leybold GmbH компаниясе белән тыгыз элемтәдә насос техникасы чыгару буенча хезмәттәшлек итә. Барлыкка килгән партнерлык нәтиҗәсендә, предприятие Россиянең вакуумлы насослар базарының 30% өлешен били һәм металлургия, химия һәм нефть химиясе, атом һәм башка тармакларга вакуум техникасы белән тәэмин итүчеләр арасында алдынгы урында тора. Предприятие үсеш алган товар үткәрү челтәренә ия – тәэмин итү географиясе БДБ һәм ерак чит илләрне дә колачлый. Предприятие югары уку йортлары белән берлектә тикшеренүләр үткәрә, вакуум техникасының яңа төрләре эшләнә һәм серияле продукция белән тәэмин ителә.
Үз стратегик максатларын аңлап, алар арасында – Россия вакуум машина төзелеше базарында, халыкара базарда диффузион һәм май бустер насослары сегментында лидерлыкка омтылу, предприятиенең инновацион үсешенә мотивацияләү – яңа продуктлар базарына чыгару (елына 1 берәмлектән дә ким түгел), вакуум насосларына сервис хезмәте күрсәтү базарында лидерлык, хезмәт җитештерүчәнлеге һәм җитештерү күләмнәре үсеше, 2018 елда завод "Хезмәт җитештерүчәнлеген арттыру һәм халыкны эш белән тәэмин итүгә ярдәм итү" Россия Федерациясе Илкүләм проектының пилот проектына кертелде.
Чараларны гамәлгә ашыру кысаларында предприятиегә процесс вакытын киметү, тәмамланмаган эш күләмен киметү һәм хезмәт җитештерүчәнлеген арттыру буенча төгәл бурычлар куелды. Хәзерге вакытта процесс вакыты 180 көннән 70 көнгә, ягъни 60% кадәр киметелгән; тәмамланмаган эш күләменең дәрәҗәсе 11,7 млн сумнан 7 млн сумга кадәр киметелгән; җитештерүчәнлек 1 кешегә 1,08 берәмлектән 1,17 берәмлеккә кадәр арттырылган. Шулай итеп, икътисадый файда 16 млн сумнан артык тәшкил итә.
Хәзерге вакытта "ФЦК" АКО экспертлары ТР Сәнәгать һәм сәүдә министрлыгы һәм төбәкнең компетенцияләр үзәге (ТР Министрлар Кабинеты каршындагы ТР ЭСТҮ ДАУ) белән берлектә мондый эшләрне республиканың башка предприятиеләре белән бергәләп гамәлгә ашыра һәм "Хезмәт җитештерүчәнлеген арттыру һәм халыкны эш белән тәэмин итүгә ярдәм итү" РФ Илкүләм проекты чараларына кертү өчен предприятиеләр сайлауны дәвам итә.