ТР Сәнәгать һәм сәүдә министрлыгында Татарстанның Ставрополь крае белән сәүдә-икътисадый хезмәттәшлек итү перспективалары хакында фикер алыштылар

2015 елның 27 ноябрендә Татарстан Республикасы Сәнәгать һәм сәүдә министрлыгында Татарстан Республикасы Премьер-министры урынбасары –Татарстан Республикасы сәнәгать һәм сәүдә министры вазыйфаларын башкаручы Альберт Кәримов Ставрополь крае Хөкүмәте Рәисе - Ставрополь крае икътисадый үсеш министры Андрей Мурга белән очрашуы узды.

Татарстан Республикасы Премьер-министры урынбасары –Татарстан Республикасы сәнәгать һәм сәүдә министры вазыйфаларын башкаручы Альберт Кәримов билгеләгәнчә, 2014 елда Татарстан Республикасы Ставрополь крае белән үзара товар әйләнеше 1,96 млрд. сум., шул исәптән, чыгару  – 1,75 млрд. сум., кертү  – 0,21 млрд. сум тәшкил итте. Ставрополь крае белән Татарстан Республикасының нефть химиясе, машина төзелеше комплексыт предприятиеләре, шулай ук азык-төлек сәнәгате хезмәттәшлек итә.

            Ставрополь крае Хөкүмәте Рәисе - Ставрополь крае икътисадый үсеш министры Андрей Мурга Татарстан һәм Татарстан Республикасы Сәнәнгать һәм сәүдә министрлыгы  җитәкчелегенә республикага визит программасын эчтәлекле оештырулары өчен рәхмәт белдерде.

2015елның 25-27 ноябрендә Ставрополь крае делегациясе Татарстан Республикасына эш визиты кысаларында «IT-парк» югары технологияләр өлкәсендә технопарк, «Алабуга» махсус икътисадый зона эшчәнлеге, «КАМАЗ» САҖ, «Мастер» Кама индустриаль  паркы эшчәнлеге белән танышты, Саба муниципаль районына барды.