Нефть чыгару компанияләре җитәкчеләре белән киңәшмә

2015 елның 27 февралендә Әлмәттә Татарстан Республикасы Президенты Рөстәм Миңнеханов рәислегендә бәйсез нефть компанияләре җитәкчеләре белән киңәшмә үтте. Чарада Татарстан Республикасы Премьер–министры урынбасары – Татрстан Республикасы сәнәгать һәм сәүдә министры Равил Зарипов, Татарстан Республикасы министрлыклар һәм ведомстволар җитәкчеләре, «Татнефть» ААҖ җитәкчелеге катнашты.
Киңәшмә барышында бәйсез нефть компанияләренең 2014 елгы эшчәнлек нәтиҗәләре һәм 2015 елга бурычлары билгеләнде. 2014 елда бәйсез нефть компанияләре 6 млн 863 мең тонна нефть чыгарган, бу планнан 312 тоннага күбрәк. Республика буенча табышның гомум күләменең 20,7 процентын тәшкил иткән.
Нефть компанияләре нефть чыгаруны арттыруга катламнарның нефть бирүен арттыру методларын куллану, өченчел һәм гидродинамик методларны кертү аша ирешкәннәр.
Иң зур нәтиҗә күп забойлы һәм горизонталь скважиналарда бораулау, ятма басымын тәэмин итүдә заманча технологияләр куллану аша булган.