Россиядә сәнәгать продукциясенең законсыз әйләнешенә каршы тору буенча Дәүләт комиссиясе оештырыла

Россия Президенты Владимир Путин сәнәгать продукциясен законсыз кертү, законсыз җитештеру һәм әйләнешенә каршы тору буенча, шул исәптән, контрафакт продукциясенә каршы тору буенча Дәүләт комиссиясе төзү буенча Указ имзалады. Моның турында Санкт-Петербургта үткән җиңел сәнәгатьне үстерү мәсьәләләренә багышланган киңәшмәдә Россия Федерациясе сәнәгать һәм сәүдә министры Денис Мантуров хәбәр итте.
Сәнәгать һәм сәүдә министрлыгы башлыгы ассызыклаганча, әлеге карар ил сәнәгатенә реаль ярдәм чарасы булачак. Дәүләт комитеты Россия территориясендә әлеге өлкәдәге торышка мониторинг һәм бәяләмә бирәчәк, сәнәгать продукциясенең законсыз әйләнешенә каршы тору максатында конкрет чаралар, концепцияләр, стратегияләр һәм планнар булдыру белән шөгыльләнәчәк.
Указ нигезендә мондый комиссияләр шулай ук Федерация субъектларында да булдырылырга тиешле. Алар региональ хакимиятнең иң югары башкарма органнар җитәкчеләре тарафыннан җитәкләнәчәкләр.
2015 елның икенче яртыеллыгы башына Россия Хөкүмәте дәүләт комиссиясенең персональ исемлеген раслыячак. Нигезләмәгә нигезләнеп, яңа органның рәисе булып, Россия Федерациясе сәнәгать һәм сәдә министры булачак.