Татарстан белән Казакъстан хәрби–техник өлкәдә хезмәттәшлекне үстерә

2014 елның 28–29 декабрендә Татарстан Республикасы Президенты Ррөстәм Миңнеханов җитәкчелегендә Татарстан Республикасы делегациясенең Казакъстан Республикасына визиты уза. Делегация составында – Татарстан Республикасы Премьер–министры урынбасары –Татарстан Республикасы сәнәгать һәм сәүдә министры Равил Зарипов, “КАМАЗ” ААҖ генераль директоры Сергей Когогин, «Горький исем. завод» ААҖ генераль директоры Ренат Мистахов, «ПОЗИС» ААҖ генераль директоры Радик Хәсәнов, «Казан Гипроннииавиапром» ЯАҖ генераль директоры Борис Тихомиров, «Казан вертолетлар заводы» генераль директоры урынбасары Валерий Пашко.
Казакъстан Оборона министрлыгын оборона продукциясе җитештерүче Татарстан предприятиеләре белән хезмәттәшлек кызыксындыра.
Суднолар төзелешендә Казакъстан хәрби ведомствосы җитәкчелеге Горький ис. завод белән хезмәттәшлек мөмкинлеген карый. Казан дары заводы, министр сүзләренчә, Казакъстанда төзелүче патроннар заводы өчен дары китерәчәк.
Хезмәттәшлекнең яңа юнәлешләреннән берсе итеп, Татарстан Республикасы Президенты IT өлкәне атады. “Әлеге системалар хәзерге заман армиясендә бик кирәк, һәм бу өлкәдәге хезмәттәшлекне үстерергә кирәк”, –дип ассызыклады Рөстәм Миңнеханов.
Татарстан Республикасы Премьер–министры урынбасары – Татарстан Республикасы сәнәгать һәм сәүдә министры Равиль Зарипов Казакъстан ягына «Гипронииавиапром» Казан проект институты хезмәт күрсәтүләреннән файдаланырга, Казанда җитешетерелүче очучысыз аппаратларны алу мөмкинлеген карарга тәкъдим итте.

Очрашу йомгаклары буенча яклар уртак эш төркемнәре төзү турында сөйләштеләр, 2015 елның гыйнварында алар Татарстан предприятиеләре мөмкинлекләрен җентекләп өйрәнәчәк һәм Казакъстан Оборона министрлыгы гарызнамәләре нигезендә хезмәттәшлекнең төгәл юнәлешләрен билгеләячәкләр.