Энергетиклар Көне белән!

2014 елның 22 декабре – Энергетиклар Көне! Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Равил Зарипов Татарстан Респубикасы энергетикларын һөнәри бәйрәмнәре белән тәбрик итә:
“Хөрмәтле Татарстан Республикасы энергетиклары! Сезне һөнәри бәйрәмегез –энергетиклар Көне белән чын күңелдән котлыйм!
Энергетика комплексы – республика сәнәгатенең төп тармакларның берсе. Татарстан Республикасы икътисадында һәм социаль өлкәдә ул төп рольне уйнаучы тармак. Сезнең көчегез белән Татарстанда булдырылган ышанычлы энергетика инфраструктурасы ярдәмендә республиканың әһәмиятле тармаклары тотрыклы рәвештә үсә. Татарстанның энергетикасы республиканы электр белән тулысынча тәэмин итә, шулай ук республикада урнашкан нефть чыгаручы, нефть эшкәртүче, нефть химиясе һәм машина төзелеше сәнәгатьләренең энергетик базасы булып тора.
Татарстан энергетикларының югары профессионализмы, фәнни һәм техник потенциалы, үз һөнәрләрен ярату – кулланучыларны тотрыклы рәвештә энергия белән тәэмин итә.
Республиканың энергетика комплексы хезмәткәрләренә һәм ветераннарына чын күңелдән рәхмәтемне белдерәм! Сезнең ихтыярлы һәм фидакарь хезмәтегез өчен зур рәхмәт Сезгә! Сезнең тупланган тәҗрибәгез, һөнәрчелегегез, яраткан эшегезгә тугрылык – тармакның алдагы үсешенә һәм җитештерү процессына яңалыклар кертүгә этәреч булып торыр, дип ышанам. Сезгә һәм якынарыгызга исәнлек-саулык, иминлек, бәхет телим!”