Татарстан продукциясен Россия регионнарына һәм чит илләргә чыгару мәсьәләсе хакында фикер алыштылар

2014 елның 5 декабрендә “Татарстанның эшлекле хезмәттәшләре” форумы кысаларында Татарстан Республикасы Сәнәгать һәм сәүдә министрлыгында Бөтендөнья татар конгрессы Башкарма комитеты, Татарстан Республикасы төзелеш, архитектура һәм торак-коммуналь хуҗалык министрлыгы, “Татарстан Республикасының экспорт корпорациясе” белән берлектә “Икеяклы сәүдә-икътисадый элемтәләрне җәелдерүдә Россия Федерациясе регионнары һәм чит илләрдәге Татарстанның эшлекле хезмәттәшләренең роле” түгәрәк өстәле узды.
Түгәрәк өстәл эшендә 261 кеше, шул исәптән, 201 – Россия регионарыннан һәм чит илләрдән, һәм 60 кеше – Татарстан Республикасы оешмалары һәм предприятиеләре вәкилләре иде.
Татарстан Республикасының сәнәгать потенциалы презентациясе белән Татарстан Республикасы сәнәгать һәм сәүдә министры урынбасары Рашат Фәттахов чыгыш ясады. Түгәрәк өстәл эшендә Татарстан Республикасы тзелеш, архитектура, торак- коммуналь хуҗалык министрлыгы, Татарстан Республикасының туризм буенча дәүләт комитеты, Татарстан Республикасының кече һәм урта эшмәкәрлек предприятиеләре ассоциациясе, Татарстан Республикасының сәүдә - сәнәгать палатасы, Татарстан Республикасының мөселман Диния нәзарәтенең “Хәләл” стандарты буенча үзәк дини оешмасы вәкилләре катнашты.
Шулай ук дискуссияләр кысларында кайбер республика предприятиеләре җитәкчеләре катнашты. Түгәрәк өстәл кысаларында Татарстан Республикасында җитештерелә торган продукцияне Россия регионнарына һәм чит илләргә чыгару мәсьәләсе хакында фикер алыштылар.