Санкт-Петербург делегациясенең Татартанга визиты

2014 елның 3-5 декабрендә Санкт-Петербург Вице-губернаторы Михаил Мокрецов җитәкчелегендәге Санкт-Петербург делегациясе Татарстан Республикасына визиты узды. Визит кысаларында Санкт –Петербург делегациясе Татарстан Республикасы Премьер-министры Илдар Халиков белән очрашты, яклар хезмәттәшлек итүнең перспектив юнәлешләре хакында фикер алыштылар.
Делегация әгъзалары Казанда югары технологияләр өлкәсендә - IT-паркта, “Химград” технополисында, Спортның су төрләре сарае һәм “Казан-Арена” футбол стадионында булдылар. Санкт-Петербургның эшлекле даирәләре вәкилләре Татарстан Республикасының предприятиеләр һәм оемалар вәкилләре катнашындагы эшлекле элемтәләр биржасында катнаштылар.
Санкт-Петербург Хөкүмәте исеменнән С.Сәйдәшев исем. Зур концерт залында «Бис-Квит» камера оркестры концерты узды.
Мәгълүмат өчен;
2013 елда Татарстан Республикасы белән Санкт-Петербург арасында регионара сәүдә әйләнеше 10,5 млрд.сум, шул исәптән- кертү - 7,9 млрд. сум, чыгару - 2,6 млрд. сум тәшкил итте.
Татарстан Республикасының түбәндәге предприятиеләр һәм оешмалар Санкт-Петербургка үзләренең товарларын җиткерәләр: «КОМЗ» ААҖ, «Л.Я.Карпов исем. химия заводы», «Генерирующая компания» ААҖ, «Серго исем. завод ПО» ААҖ, «Завод Эластик заводы» ҖЧҖ, «Нижнекамскнефтехим» ААҖ, В.Д.Шашин исем. «Татнефть» ААҖ, «Татхимфармпрепараты» ААҖ, «ТАИФ-НК» ААҖ, «Спартак» ААҖ, «Казаньоргсинтез» ААҖ, «КВАРТ» ЯАҖ, «А.М.Горький исем. Зеленодольск заводы», «ИНВЭНТ» ҖЧҖ, «Алсу» АЧНФ ААҖ, «КАМАЗ» ААҖ, «Вакууммаш» ААҖ, «Радиоприбор» ААҖ, «Казан синтетик каучук заводы» ААҖ, «Бетар» ПКФ ҖЧҖ һәм башкалар.