Казанда «Машина төзелеше.Металл эшкәртү» һәм «TechnoСварка» күргәзмәләре узачак

2014 елның 3–5 декабрендә Казанда «Машина төзелеше.Металл эшкәртү» һәм «TechnoСварка» халыкара күргәзмәләре узачак. 3 декабрьдә тантаналы ачылышта Татарстан Республикасы Президенты Рөстәм Миңнеханов катнашачак. Күргәзмәләр эшендә Россия Федерациясе регионнарыннан һәм чит илләрдән машина төзелеше предприятиеләре үзләренең продукциясен тәкъдир итчәкләр. Күргәзмәләр ачылышы программасы кысаларында Татарстанның машина төзелеше предприятиеләренең Координация советы утырышы узачак.
Татарстан Республикасы Премьер–министры урынбасары –Татарстан Республикасы сәнәгать һәм сәүдә министры Равил Зарипов ассызыклаганча, “Координация советы утырышының һәм фәнни–гамәли конференциянең төп максаты – машина төзелеше эшләнмәләрен проектлау һәм эшләп чыгару өлкәләрендә фәнни–техник казанышлары хакында фикер алышу, фәнни оешмалар белән машина төзелеше предприятиеләре комплексы арасында элемтәләрне киңәйтүдә һәм үстерүдә ярдәм күрсәтү, яңа техникалар, технологияләр һәм материалларны эшләп чыгаруның һәм үстерүнең перспектив юнәлешләрен билгеләү”.
Чараларны оештыручылар – Татарстан Республикасы Сәнәгать һәм сәүдә министрлыгы, «КНИАТ» ААҖ, «ВИАМ» ФДУП, фәнни –техник өлкәсендә кече форма предприятиеләрне үстерүдә ярләм итү Фонды, КНИТУ – КАИ, К(П)ФУ, Татарстан Республикасының Фәннәр Академиясе, Татарстан Республикасының Сәүдә–сәнәгать палатасы, “Казан ярминкәсе” ААҖ.