Казанда «Наше время – Безнең заман» фестивале җиңүчеләрен котладылар

1 ноябрьдә Казанда «Наше время – Безнең заман» Татарстанның эшче яшьләрнең II республика телевизион фестиваленең гала–концерты узды. Концерт барышында бәйгедә җиңүчеләрнең исемнәре билгеле булды.
Фестивальнең сайлап алу турлары сентябрь һәм октябрь айларында республиканың өч зона округында үтте. Иң көчле командалар 29–31 октябрьдә Казанда узган суперфиналда очраштылар. Финалга барлыгы 17 команда үтте.
Бүләкләрнең бер өлешен Татарстан Республикасы мәдәният министры урынбасары Гүзәл Нигъмәтуллина, Татарстан Республикасы фән һәм мәгариф министры урынбасары Лариса Сулима, Республика массакүләм мәгълүмат чаралары агентлыгы җитәкчесенең беренче урынбасары Нурия Беломоина, “Татарстан Республикасы предприятиеләре һәм эшкуарлары ассоциациясе” эш бирүчеләрнең төбәк берләшмәсе генераль директоры Алексей Пахомов һәм Татарстан Республикасы профсоюзлар Федерациясе рәисе Татьяна Водопьянова тапшырдылар.
Бүләкләрнең икенче өлешен фестивальнең жюри рәисе, Татарстан Республикасы халык артисты Резеда Галимова, Татарстан Республикасы яшьләр эшләре һәм спорт буенча министрның беренче урынбасары Хәлил Шәйхетдинов, Татарстан Республикасы сәнәгать һәм сәүдә министры урынбасары Алмаз Хөсәенов тапшырдылар.
Фестивальнең иң зур – Гран–при бүләген Татарстан Республикасы Премьер–министры урынбасары Васил Шәйхрәзиев тапшырды. “Фестиваләнең максаты – предприятиеләр һәм учрежденияләр аша безнең эшче яшьләрнең үзләренең иҗатын, һәм моның аша – үзләре эшләгән предприятиенең уңышын күрсәтү”, диде ул.
“Бүгенге фестиваль зур заводлар һәм кече предприятие җитәкчеләре үзләренең хезмәткәрләренә карата булган мөнәсәбәтләрен ачып бирә”, – дип ассызыклады В.Шәйхрәзиев. Премьер–министр урынбасары шулай ук бәйгедә катнашучы предприятиеләр җитәкчелегенә һәм фестивальнең оештыру комитетына рәхмәт белдерде.
Васил Шәйхрәзиев Татарстан Республикасы Президенты Рөстәм Миңнехановның котлау сүзен укып китте.
Тулаем команда зачеты буенча өченче урынны Чаллыдан «Форд Соллерс» ҖЧҖ һәм «Әлмәт торба заводы» ААҖ бүлделәр. Икенче урында – «Казан вертолет заводы» ААҖ, «ТР Мамадыш муниципаль райны Башкарма комитеты мәгариф бүлеге» ММУ һәм Әлмәттәге В.Д.Шашин исем. «Татнефть» ААҖ.
Беренче урынны шулай ук өч команда арасында бүлделәр – «Нижнекамскнефтехим» ААҖ, Казаннан «Сетевая компания» ААҖ һәм Чаллыдан «КАМАЗ» ААҖ.
Фестивальнең Гран–при “Казан мотор төзелеше җитештерү берләшмәсе” ААҖ яулады. Васил Шәйхрәзиев командага Татарстан Республикасы Президентының Күчмә кубогын тапшырды.