Казанда «Брест өлкәсе – Татарстан» бизнес-форумы узды
Анда Брест өлкә башкарма комитеты рәисе урынбасары Михаил Баценко, Татарстан сәнәгать һәм сәүдә министры урынбасары Герман Лернер, «ТР Сәүдә-сәнәгать палатасы» берлеге рәисе Шамил Агеев, Татарстан һәм Брест өлкәсе компанияләре вәкилләре катнашты.
Катнашучыларны сәламләп, Герман Лернер ассызыклаганча, Беларусь Татарстанның топ-10 партнеры исемлегенә керә, әмма хезмәттәшлек потенциалы әлегә ачылмаган һәм республика үзара файдалы хезмәттәшлекне үстерү мәсьәләләре буенча диалогка әзер.
Бизнес-форумда ике яклы B2B-сөйләшүләр узды, анда катнашучылар хезмәттәшлек мөмкинлекләре һәм кызыксындырган компанияләр белән турыдан-туры элемтәләр урнаштыру турында фикер алыштылар.
Моннан тыш, түбәндәгеләр имзаланды:
- «Брест» ирекле икътисадый зонасы администрациясе һәм «Химград» технополисы арасында хезмәттәшлек турында килешү;
- «Савушкин продукт» һәм «Три кита» компанияләре төркеме арасында килешү;
- Татарстан автомобиль юлларында «СТиМ Казан» предприятиесенең «Алексеевскдорстрой» юл билгеләренең инновацион материалларын (Экватор PRO 40 һәм Стрела PRO 40) куллану буенча меморандум.
Әлеге чара «Халыкара кооперация һәм экспорт» илкүләм проекты максатларына ирешүгә ярдәм итә.