КДЭУда Атом проектлары департаменты булдырылды
Аның төп эшчәнлеге «Яңа атом һәм энергетика технологияләре» илкүләм проекты максатларына һәм «Яңа атом энергетикасы» һәм «Зур һәм кечкенә куәтле атом электр станцияләренең серияле референтлыгы» федераль проектларының төп бурычларына ирешүгә юнәлдерелгән. Департамент «Росатом» атом энергиясе буенча дәүләт корпорациясен, аның дивизионнары компанияләрен һәм предприятиеләрен кадрлар белән тәэмин итәчәк.
Төп бурычлар:
КДЭУ укучыларының һәм фәнни-педагогик хезмәткәрләренең атом юнәлешләре һәм атом тармагында гамәлгә ашырыла торган проектларда катнашуын оештыру, шулай ук «Росатом» дәүләт корпорациясе, аның дивизионнары, структур бүлекчәләре, атом тармагының башка оешмалары һәм предприятиеләре гамәлгә ашыра торган проектларга ярдәм итү.
КДЭУның белем бирү һәм фәнни эшчәнлегенә КДЭУ һәм «Росатом» дәүләт корпорациясенең уртак проектларын гамәлгә ашыру нәтиҗәләрен кертү исәбенә атом тармагы өчен белгечләр әзерләү юнәлешләре буенча белем бирүнең фәнни-педагогик һәм фәнни-методик сыйфатын, кадрлар әзерләүнең һөнәри дәрәҗәсен күтәрүгә ярдәм итү һәм аларны тәэмин итү.
КДЭУның матди-техник, укыту, фәнни-белем бирү һәм фәнни-тикшеренү базасын үстерү.