Татарстанда тулы цикл технологиясе буенча Sollers SF1 минивэннарын серияле җитештерү башланды
Sollers SF1 пассажир модификациясе СОЛЛЕРС Алабуга универсаль җыю конвейерында чыгарыла торган брендның киң линейкасын тулыландырды. Модельне чыгару тулы цикл технологиясе буенча оештырылган, ул барлык төп этапларны үз эченә ала: эретеп ябыштыру һәм кузовны чумдыру ысулы белән коррозиягә каршы катафорезлы эшкәртү, аны буяу һәм соңгы җыю.
Беренче серияле минивэннар сатуга 2026 елның язында ук чыгачак!
Чыгарылган һәр автомобиль комплекслы тикшерү уза, аңа узелларны, агрегатларны һәм электр системаларын карау, интерьер торышын контрольдә тоту, лак-буяу өслегенең һәм эретеп ябыштырылган җөйләрнең сыйфатын бәяләү керә.
Алты пассажир йөртү өчен билгеләнгән Sollers SF1 җиңел автомобильнең маневрлылыгын эре микроавтобусның гамәлилеге белән берләштерә, ә габарит биеклеге – 1,9 м – җир асты паркингларына керергә мөмкинлек бирә.