ТР Хөкүмәте Йортында нефть химиясен үстерү проектларын тәкъдир иттеләр
Татарстан Рәисе Рөстәм Миңнеханов Татнефтехиминвест-холдингның Директорлар советы утырышын уздырды. Чарада ТР Премьер-министры урынбасары — сәнәгать һәм сәүдә министры Олег Коробченко катнашты.
Утырышта катнашучылар берничә проектны карадылар:
Нефть химиясе сәнәгатендә ясалма интеллектны куллану турында Россия Фәннәр академиясенең мөхбир әгъзасы Максим Федоров сөйләде.
«СВТМА» видео һәм тепловизион мониторинг һәм аналитика системасын «Дәүләт гамәли оптика институты» фәнни-җитештерү берләшмәсе генераль директоры Сергей Косковский тәкъдир итте.
РФА А.Ф. Иоффе исемендәге Физика-техника институты ФДБФУ (Санкт-Петербург) директорының фәнни эшләр буенча урынбасары Павел Брунков энергетика секторында импортны алмаштыру проблемасын хәл итүгә юнәлдерелгән проектны тәкъдим итте.
Татнефтехиминвест-холдинг генераль директоры Рафинат Яруллин 2026 елга республика нефть-газ-химия комплексы предприятиеләренә һәм кече һәм урта эшкуарлык субъектларына җибәрелә торган углеводород чималы һәм нефть химиясе продукциясе исемлеген карауга һәм раслауга чыгарды.
Әлеге исемлек нефть-газ-химия комплексы предприятиеләре заявкалары буенча әзерләнгән. Республика эчендәге кооперация схемасы нефть химиясе комплексында кече эшкуарлыкны үстерүгә уңай шартлар тудыру өчен эшләнгән.