Түбән Камада яңа СИБУР производствосында төп технологик колонна урнаштырылды
Компания Түбән Камада төзелә торган производствода этилбензол һәм стиролны аеру колоннасын монтажлауны төгәлләде. Бу «Стироль чылбыры» проекты кысаларында иң эре җиһаз берәмлеге.
Колоннаның биеклеге 82 метр (25 катлы бинага тиң), авырлыгы – 530 тонна. Аны сәнәгать мәйданчыгына китерү өчен инфраструктурага масштаблы әзерлек үткәрелгән, елга причалын модернизацияләүне һәм юл өслеген көчәйтүне дә кертеп.
«Стироль чылбыры» проектын гамәлгә ашыру Россия базарын үзебезнең полистирол һәм АБС-пластиклар — төзелеш, медицина, АСК, көнкүреш техникасы һәм төргәкләр җитештерү өчен иң кирәкле материалларның берсе белән тәэмин итәргә мөмкинлек бирәчәк. Аерым алганда, полистирол йортларны җылылык изоляциясе өчен, тавышны йота торган компонентлар һәм түшәм панельләре ясау өчен, сантехника җитештергәндә кулланыла. Авыл хуҗалыгында – теплицалар ясау өчен, медицинада – шприцлар, Петри чынаягы һәм кан салу системалары ясау өчен. Азык-төлек сәнәгатендә полистирол бер тапкыр кулланыла торган савыт-саба һәм төргәк җитештергәндә алыштыргысыз. АБС-пластиклар сыгылмалы һәм бәрелүгә чыдам, бу аларны югары дәрәҗәдә суырыла торган катлаулы формалы эшләнмәләр җитештерү өчен популяр итә. Алар медицина һәм көнкүреш техникасы, электротехника, сантехника, уенчыклар җитештерүдә, автомобиль төзелешендә, төрү һәм мебель тармакларында кулланыла.
Яңа комплексның проект куәте елына 350 мең тонна этилбензол, 400 мең тонна стирол һәм 250 мең тонна полистирол тәшкил итәчәк. СИБУРның яңа олефин комплексыннан этилен һәм бензол чимал булачак.