ТР Сәнәгать һәм сәүдә министрлыгында Кырым белән хезмәттәшлекне үстерү турында фикер алыштылар

2025 елның 28 октябре, сишәмбе

Татарстан сәнәгать һәм сәүдә министры урынбасары Герман Лернер Кырым Республикасының сәнәгать һәм сәүдә министры Анушаван Агаджанян белән очрашты.

Герман Лернер билгеләп үткәнчә, соңгы елларда төбәкләр арасында икътисадый һәм сәнәгать элемтәләре үсешенең уңай динамикасы күзәтелә.

Машина төзелеше, авиатөзелеш, суднолар төзү, нефть химиясе өлкәсендә тыгыз хезмәттәшлек алып барыла. Кырым белән Татарстанның берничә предприятиесе белән хезмәттәшлек җайга салынган.

Очрашуда яклар уртак эшнең алга таба үсеше турында фикер алыштылар.

Герман Лернер бүгенге көндә нефть химиясе комплексы һәм автомобиль төзелеше продукциясен, дарулар һәм медицина эшләнмәләре белән тәэмин итүне арттыру өлкәсендә хезмәттәшлек итүдә мәнфәгать булуы турында әйтте.