РФнең Мароккодагы Сәүдә вәкиле: «Татарстан – үз эшен системалы рәвештә коручы регионнарның берсе»
Татарстан сәнәгать һәм сәүдә министры урынбасары Герман Лернер җитәкчелегендә Россия Федерациясенең Мароккодагы Сәүдә вәкиле Алексей Андреев белән онлайн-очрашу узды. Очрашуда Татарстан компанияләренең 30тән артык вәкиле катнашты.
Онлайн-очрашудагы төп тезислар:
Россия-Марокко сәүдә-икътисадый мөнәсәбәтләре тотрыклы үсә, 8 ай нәтиҗәләре буенча илләр арасында товар әйләнеше үсеше 30% ка якын тәшкил итте – экспорт һәм импорт артты.
Мароккога Россия экспортының нигезе – авыл хуҗалыгы продукциясе, металлар, ашламалар, Марокконың Россиягә импорты нигезе – җиләк-җимеш, диңгез продуктлары.
Россия компанияләре өчен перспектив юнәлешләрнең берсе – Марокконың милли программаларын (авыл хуҗалыгы, энергетика стратегиясе, инфраструктура объектларын цифрлаштыру, модернизацияләү) гамәлгә ашыруда катнашу.
Мароккода локальләшкән компанияләр продукцияне Марокконың ирекле сәүдә зонасы турында килешү имзаланган илләргә экспортлау өчен мөмкинлекләр ала (якынча 60 ил).
Марокко Африка континенталь ирекле сәүдә зонасының катнашучысы булды, аның кысаларында якындагы елларда Африка континенты эчендә таможня тарифының 90% ка кадәр киметеләчәк.
Хезмәттәшлекнең перспектив юнәлешләре – фармацевтика, металлургия, химия, азык-төлек (бигрәк тә ит, кызыл иткә чит ил пошлиналары бетерелде), хезмәтләр (IT өлкәсе, медицина, киберкуркынычсызлык).
Мароккода бизнес алып баруның үзенчәлеге – шәхси мөнәсәбәтләрнең өстенлеге һәм «озак уен», шулай ук локаль партнер булу.
Сәүдә вәкиллегенең элемтәләре:
+212 537 754481, + 7 499 3460439 (өстәмә 27220)
t.me/traderusmaroc
vk.com/traderusmaroc
«Сәүдә вәкиле белән бер сәгать» – «Халыкара кооперация һәм экспорт» илкүләм проекты максатларына ирешүгә ярдәм итә торган чараларның берсе.
#нацпроект #международноесотрудничество #международнаякооперацияиэкспорт