«Татарстан – Үзбәкстанда сәнәгый катнашу флагманы»
Россиянең Үзбәкстандагы Сәүдә вәкиле урынбасары Игорь Камынин Татарстан предприятиеләренең 40 тан артык вәкиле белән онлайн-очрашуда шулай диде. Очрашу Татарстан сәнәгать һәм сәүдә министры урынбасары Герман Лернер җитәкчелегендә узды.
Игорь Камынинның төп тезислары:
Үзбәкстан – Россия экспорты өчен иң тиз үсә торган юнәлешләрнең берсе, беренче чиратта сәнәгать продукциясе, хезмәтләр өчен.
Хәзер Үзбәкстан Россиянең иң эре сәүдә-икътисадый партнерлары унлыгына керә, ә Татарстан – республикада сәнәгать тармагының флагманы.
Импортның төп маддәләре – җиһазлар, транспорт чаралары, сәнәгать товарлары, йорт хуҗалыгы өчен товарлар, химик матдәләр; экспорт – куймаларда алтын, хезмәт күрсәтүләр (транспорт һәм туризм), текстиль товарлар һәм яшелчә продукциясе.
Бөтендөнья сәүдә оешмасы дәрәҗәсе буенча Үзбәкстанның иң эре сәүдә-икътисадый партнерлары – Кытай, Россия, Казахстан, Төркия, Корея.
Үзбәкстанда сатып алучыларның өстенлекләре шактый тиз үзгәрә, һәм хәзер республика белән сәүдә-икътисадый хезмәттәшлекнең перспектив юнәлешләре булып сәламәт туклану өчен продукция, спорт өчен товарлар, машина төзелеше өчен җиһазлар, кинетик көч җайланмалары, төзелеш материаллары тора.
Үзбәкстан базарына чыгуның нәтиҗәле ысулларының берсе – потенциаль партнерлар белән хезмәттәшлек оештыру һәм сөйләшүләр уздыру өчен күргәзмәләрдә катнашу.
Сәүдә вәкиллеге элемтәләре:
+998 (71) 256-42-43
tashkent@minprom.gov.ru
t.me/torgpreduz
«Сәүдә вәкиле белән бер сәгать» – «Халыкара кооперация һәм экспорт» илкүләм проекты максатларына ирешүгә ярдәм итә торган чараларның берсе.