Алдынгы Гарәп ММЧ вәкилләренә Татарстан техникасын тәкъдир иттеләр
Меңьеллык мәйданында һәм Казан циркында алар өчен республика сәнәгате казанышлары күргәзмәсе оештырылды.
Үз техникаларын урамда КАМАЗ, Аурус, Казан вертолетлар заводы, Кориб, МТЗ-Татарстан, Русак, «РариТЭК» автомобиль заводы, Соллерс Алабуга һәм Триера предприятиеләре тәкъдим итте.
Казан циркы эчендә – ЭЙДОС, Татлифт, Нәфис Косметикс, Алабуга аккумуляторлар заводы.
Татарстан Республикасы сәнәгать һәм сәүдә министры урынбасары Герман Лернер сүзләренчә, бурыч массакүләм мәгълүмат чаралары вәкилләренә республикада җитештерелгән продукциябезне күрсәтү иде.
«Бүген без импортка караганда күбрәк экспортлыйбыз. Безнең продукция тышкы базарларда конкуренциягә сәләтле һәм Татарстаннан читтә дә кирәк. Без бу юнәлешне тулысынча хуплыйбыз. «Халыкара кооперация һәм экспорт» илкүләм проекты буенча без чимал булмаган энергетик булмаган экспортны 2030 елга 70% ка арттырырга тиеш. Эшлибез, продукциябезне тышкы базарларга чыгарабыз», – дип билгеләде Лернер.
Күргәзмәдә журналистларны барыннан да бигрәк Ансат вертолеты һәм Аурус автомобиле кызыксындырды.
«Мине, чыннан да, күргәзмә бик тәэсирләндерде – җирле җитештерүчеләр, дәрәҗәсе, сыйфаты. Монда эшләнгән нәрсәләр — машиналар да, вертолетлар да — бик шәп. Бигрәк тә робот техникасы һәм батареялар җитештерү гаҗәпләндерде. Россия һәм Татарстанның алга таба шундый зур адым ясавын белү көтелмәгәнрәк булды – литийны батареяларда кулланудан баш тарттылар һәм яңа материалларга күчтеләр», – дип үз фикерләре белән уртаклашты массакүләм мәгълүмат чаралары вәкилләренең берсе.