РФнең Эфиопиядәге сәүдә вәкиле: «Эфиопия чит ил бизнесы өчен торган саен ачыла бара»
11 сентябрьдә Татарстан сәнәгать һәм сәүдә министры урынбасары Герман Лернер җитәкчелегендә Россия Федерациясенең Эфиопиядәге сәүдә вәкиле Ярослав Тарасюк белән «Сәүдә вәкиле белән бер сәгать» форматында онлайн-очрашу узды. Очрашуда Татарстан компанияләренең 60 тан артык вәкиле катнашты.
Ярослав Тарасюкның төп тезислары:
Эфиопия Африканың зурлыгы буенча бишенче икътисады булып тора, 2023-2024 ел нәтиҗәләре буенча тулай эчке продукт – 200 млрд.доллардан артык.
Үсешнең өстенлекле өлкәләре – файдалы казылмалар чыгару, авыл хуҗалыгы, сәнәгать, инфраструктура, туризм, мәгълүмат-коммуникация технологияләре.
Чит ил компанияләре белән эшне гадиләштерүдә чит ил бизнесы белән эшләү өчен «бердәм тәрәзә» булып торган Эфиопия инвестиция комиссиясе төзелде.
Эфиопия импортының төп маддәләре – нефть продуктлары, энергия җиһазлары, электротехник җиһазлар; экспорт – каһвә, чәй, тәмләткечләр, кием.
Эфиопия базарында азык-төлек майларының 93% – импорт, ул Эфиопия белән сәүдә кысаларында Россия компанияләре өчен перспективалар тудыра.
Шулай ук сәүдә вәкиле Аддис-Абебада Татарстан предприятиеләре катнаша алырлык планлаштырылган күргәзмәләрне билгеләп үтте:
2-4 апрель – Ethio Health (ethio-health.com/)
4-6 июнь – Agrofood & Plastprintpack (agrofood-ethiopia.com/)
18-20 июнь – BIG 5 Construct (thebig5constructethiopia.com)
Ноябрь, 2026 – MINTEX (mintex.et/)
Эфиопиядә РФ Сәүдә вәкиллегенең элемтә белешмәләре:
тел.: +251-992-86-82-82, +251-946-84-18-87
e-mail: addis@minprom.gov.ru
сайт: et.minpromtorg.gov.ru/news
«Сәүдә вәкиле белән бер сәгать» – «Халыкара кооперация һәм экспорт» илкүләм проекты максатларына ирешүгә ярдәм итә торган чараларның берсе.