Ел саен үткәрелә торган «Ел җитәкчесе» республика иҗтимагый конкурсына гаризалар кабул итү дәвам итә
Гаризалар 1 октябрьгә кадәр түбәндәге адрес буенча кабул ителә: Казан ш., Островский ур., 4 й., 118 каб. (күчермәне әлеге электрон адреска җибәреп: Dzheyla.A@tatar.ru) түбәндәге документлар пакетын тапшырырга кирәк:
- конкурста катнашучы турында белешмә (форма рәсми сайтта «Документлар» бүлегендә урнаштырылган: rgrt.ru );
- предприятие турында белешмә, анда аның оешу датасы, эшчәнлек төрләре һәм чыгарыла торган продукция мәгълүмат, кандидат тәкъдим ителгән номинациягә туры килә торган эш юнәлешләре турында мәгълүмат булырга тиеш (күләме – 1 биттән артмый);
- катнашучы күрсәтелгән номинация нигезендә предприятие эшчәнлеге күрсәткечләре (форма рәсми сайтта урнаштырылган: rgrt.ru, «Документлар» бүлегендә);
- әлеге номинация буенча конкурска катнашучыны тәкъдим итүнең кыскача нигезләмәсе (машинкада басылган кәгазьнең яртысыннан артыграк булмаган күләме).
Катнашуның мәҗбүри шартлары булып предприятиедә (оешмада) түбәндәгеләрнең булмавы тора:
- хезмәткәрләргә хезмәт хакы түләү буенча срогы чыккан бурыч;
- салымнар, җыемнар, иминият кертемнәре түләү буенча бурычлар;
- производствода үлем белән тәмамланган травматизм очраклары, авыр нәтиҗәләр һәм төркемле бәхетсезлек очраклары.
2025 елгы номинацияләрнең яңартылган исемлеге һәм сайлап алу күрсәткечләре, конкурс турындагы нигезләмә, катнашу шартлары, тапшырыла торган документлар бланклары һәм узган еллардагы җиңүчеләр турындагы мәгълүмат белән ТР Сәнәгать һәм сәүдә министрлыгы сайтында яки конкурс сайтында танышырга мөмкин.
Шулай ук игътибарыгызны җәлеп итәбез, конкурста соңгы өч елда лауреат булган затлар катнаша алмый.