Хөкүмәт электр энергиясен перспективалы үстерү өчен яңа планлаштыру системасын башлап җибәрде
РФ Хөкүмәте электр энергетикасының перспектив үсешен планлаштыруның яңа системасын гамәлгә ашыру өчен норматив хокукый акт – «Электр энергетикасының перспектив үсеше документларын эшләү һәм раслау кагыйдәләрен раслау һәм Россия Федерациясе Хөкүмәтенең кайбер актларына үзгәрешләр кертү турында» 2556 номерлы карарны кабул итте.
Әлеге кагыйдәләр тармакның перспектив үсешен планлаштыру системасын модернизацияләргә мөмкинлек бирәчәк. 2022 елның июнендә кабул ителгән «Электр энергетикасы турында» 35-ФЗ номерлы федераль законга үзгәрешләр нигезендә тармакка кертелә торган перспектив үсешне планлаштыру системасы ике баскычлы булып тора. Ул тармакта 2010 елдан гамәлдә булган өч дәрәҗәдәге модельне алыштырачак һәм ике программа документы – электр энергетикасы объектларын 18 елга урнаштыруның Генераль схемасын, Россиянең электр энергетика системаларын үстерү схемасын һәм программасын, 110 һәм аннан да югарырак кВ булган система барлыкка китерүче челтәрләр өлешендә төбәк энергетика системаларын үстерү буенча соңгы планнарга кертеп, 6 елга электр энергетикасы системаларын үстерү схемасын һәм программасын эшләүне күздә тота. Элегрәк һәр төбәк буенча мондый документ аерым эшләнә иде.
Электр энергетикасының перспектив үсешенең төп документлары проектларын эшләү өчен системалы оператор җавап бирәчәк. «Кагыйдәләрдә электр энергетикасында яңа планлаштыру системасының җентекләп язылган принциплары һәм эш шартлары бар. Бу, Россия энергосистемасының эш үзенчәлекләрен исәпкә алып, техник һәм икътисадый яктан иң нәтиҗәле карарларны гамәлгә кертергә, челтәр инфраструктурасын һәм генерацияләүче егәрлекләрен төзүне һәм модернизацияләүне оптимальләштерергә мөмкинлек бирәчәк», – дип белдерде РФ энергетика министры Николай Шульгинов.
Кагыйдәләр электр энергетикасының перспектив үсеше документларын эшләү эшчәнлеген оптимальләштерергә, кирәкле чыганак мәгълүматларын формалаштыру системасын тәртипкә китерергә, электр энергетикасы өлкәсендә перспектив планлаштыру процессының һәр этабында функцияләрне һәм җаваплылыкны төгәл бүләргә, идарәнең төрле дәрәҗәләрендә кабул ителә торган энергия системасын үстерү буенча техник карарларын координацияләүне тәэмин итәргә, аларның техник һәм икътисадый нәтиҗәлелеген арттырырга мөмкинлек бирәчәк.
Шулай ук кагыйдәләрдә мәҗбүри таләп сыйфатында беренче тапкыр электр энергетикасын үстерү буенча кабул ителгән карарларның икътисадый нәтиҗәләрен этаплап бәяләү дә кертелә. Бу, иң беренче чиратта, электр энергиясен тапшыру линияләрен һәм подстанцияләрен төзегәндә, аларны сату бәясен исәпкә алып, оптималь техник чишелешләрне сайлап алырга, шулай ук илдә генерация егәрлекләренең рациональ структурасын, шул исәптән аз углеродлы үсеш бурычларын исәпкә алып, формалаштырырга мөмкинлек бирәчәк.
«Электр энергетикасының перспектив үсеш документларын эшләү һәм раслау кагыйдәләре – төп закон акты, аннан башка перспектив планлаштыруның яңа системасын куллана башлап булмый. Бу документ электр энергетикасының перспектив үсешендәге документларныэ эчтәлегенә, аларны эшләү, фикер алышу һәм раслау тәртибенә карата таләпләр билгели, шулай ук Система операторы белән мәнфәгатьле затларның аларны эшләгәндә хезмәттәшлек итү механизмнарын билгели. Шулай итеп, кагыйдәләр электр энергиясенең перспектив үсешен планлаштыру системасы өчен кыса ролендә», – дип билгеләде Система операторы идарәсе рәисе Федор Опадчий. Россия Энергетика министрлыгы боерыгы белән энергия системаларын үстерүне проектлау буенча яңа методик күрсәтмәләр расланган инде.
«Тармак 2023 елдан перспектив үсешне планлаштыруның яңа моделенә күчә. Яңа планлаштыру системасын кертүгә бәйле революцион, электр энергиясе системаларын үсешен проектлау функцияләрен карарлар кабул итүнең бер үзәгенә – Система операторына тапшыра торган үзгәрешләр – энергетика үсешенең яңа баскычы, – дип билгеләде Татарстан Республикасы вице-премьеры – Татарстан Республикасы сәнәгать һәм сәүдә министры Олег Коробченко. – Система операторы белгечләренең компетенцияләре безгә яхшы билгеле, һәм мин ышанам, бу команда республика энергетика системасының балансланган үсеш дәрәҗәсен тәэмин итә алачак, төбәк икътисадының үсә барган ихтыяҗларына, электр энергетикасы субъектлары ихтыяҗларына җавап бирәчәк. Моннан тыш, монда иң мөһим мизгел – кабул ителгән техник карарларның ачыклыгы һәм аныклыгы.»
Электр энергетикасын перспектив үстерү документларын эшләү һәм раслау кагыйдәләрен раслаудан тыш, РФ Хөкүмәте кабул иткән карар белән РФ Хөкүмәтенең 13 актына үзгәрешләр кертелгән.
РФ Хөкүмәте кабул иткән кагыйдәләр түбәндәгеләрне билгели:
• электр энергетикасының перспектив үсеш документларын эшләгәндә исәпкә алына торган чыганак мәгълүматларын формалаштырганда Система операторы, федераль башкарма хакимият органнары, РФ субъектлары башкарма хакимияте органнары, «Росатом» дәүләт корпорациясе, электр энергетикасы һәм электр энергетикасы субъектларының һәм кулланучыларның үзара хезмәттәшлек итү тәртибен;
• перспектив үсеш документларына карата таләпләрне һәм мондый документларны эшләгәндә билгеләнгән таләпләрне үтәү тәртибен;
• әлеге документларны эшләү, иҗтимагый фикер алышу һәм раслау тәртибен һәм срокларын;
• РФ субъектлары башкарма хакимият органнары тарафыннан Россиянең СиПР ЭЭС проектын карау тәртибен һәм чикләрен;
• перспектив үсеш документларын гамәлгә ашыру механизмнарын һәм элегрәк расланган Россия СиПР ЭЭС гамәлгә ашыру нәтиҗәләре турында хисапка карата таләпләрне.
РФ Хөкүмәте карары (аерым нигезләмәләрдән тыш) рәсми басылып чыккан көненнән үз көченә керә.