Авиация көне һәм машина төзүчеләр көне бәйрәмнәре

8 июльдә Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов Татарстан Республикасында Авиация һәм Машина төзүчеләр көннәренә багышланган бәйрәм чараларын оештыру, шулай ук «Машина төзү. Металл эшкәртү» һәм «TechnoСварка» Халыкара махсус күргәзмәләр, «Машина төзүнең инновацияле технологияләре, җиһазлары һәм материаллары – 2013» Халыкара фәнни-техник конференциясен үткәрү мәсьәләләренә багышланган киңәшмәләр үткәрде.
Киңәшмәдә министр урынбасарлары Г. Әхмәдиева, Р. Мингалиев, сәнәгать предприятиеләре җитәкчеләре, "Казан ярминкәсе" ААҖ, югары уку йортлары, Татарстан Республикасы Сәнәгать һәм сәүдә министрлыгы һәм Татарстан Республикасы Мәгариф һәм фән министрлыгы вәкилләре катнашты.
Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов әйтүенчә, Авиация көне 17 августта Коркачык аэродромында "Мин күккә гашыйк" дип аталган бәйрәм рәвешендә узачак. Ул илебез авиациясенең әһәмиятле даталарына – Татарстан Республикасы Үзәк аэроклубының 80 еллыгына, авиация техникасы генераль конструкторы, өч тапкыр Социалистик Хезмәт Герое А.Н. Туполевның 125 еллык юбилеена, авитация маршалы, беренче тапкыр өч мәртәбә Советлар Союза Герое исеменә лаек булган А.И. Покрышкинның 100 еллыгына багышлана. Авиация көнендә авиашоу, парашютчылар чыгышы, яшь авиамодельчылар ярышы үткәрү планлаштырыла.
Татарстан Республикасы машина төзүчеләр көненә багышланган бәйрәм чаралары турында министр урынбасары Г. Әхмәдиева бәян итте. Ул 11 сентябрьдә "Казан ярминкәсе" ААҖ территориясендә халыкара күргәзмәләр, фәнни-техник конференция ачылу белән башланып китәчәк.
Киңәшмәдә булачак һөнәри бәйрәмнәрне үткәрү сценарийлары тикшерелде, чаралар хакында фикер алышулар булды.