Рөстәм Нигъмәтуллин: «Бүгенге очрашу дуслык, Белоруссия-Татарстан хезмәттәшлегенең киләчәк үсешенә ышаныч белдерү һәм ният билгесе булып тора»
Татарстан Республикасы Премьер-министрының беренче урынбасары Рөстәм Нигъмәтуллин Беларусь Республикасы Премьер-министры урынбасары Юрий Назаров белән очрашты.
Бүген Татарстан Республикасы Хөкүмәте Йортында республика министрлыклары, ведомстволары һәм сәнәгать предприятиеләре вәкилләре катнашында видеоконференцэлемтә режимында очрашу узды.
Рөстәм Нигъмәтуллин ассызыклаганча, Татарстан белән Беларусь Республикасы арасындагы хезмәттәшлекне үстерү Татарстан Республикасының тышкы икътисадый эшчәнлегендә өстенлекле юнәлешләрнең берсе булып тора.
«Бүгенге очрашу дуслык, Белоруссия-Татарстан хезмәттәшлегенең киләчәк үсешенә ышаныч белдерү һәм ният билгесе булып тора,» – диде ул, Белоруссия ягын сәламләп.
Соңгы елларда Татарстан белән Беларусь арасындагы мөнәсәбәтләр төрле өлкәләрдә үсә.
Татарстан Белоруссиягә ягулык, нефть, пластмасса, каучук, органик химик кушылмалар, җир өсте транспорты чараларын экспортлый.
Белоруссиядән Татарстанга, нигездә, җир өсте транспорты чаралары, электр машиналары һәм җиһазлары, кара металл эшләнмәләре, нефть һәм башкалар кертелә.
Татарстан Республикасы сәнәгать предприятиеләренең Беларусь Республикасы белән хезмәттәшлеге актив үсә.