Родион Карпов Әлмәт дәүләт нефть институты һәм сәнәгать предприятиеләре белән киңәшмә үткәрде
Татарстан Республикасы сәнәгать һәм сәүдә министры урынбасары Родион Карпов «Әлмәт дәүләт нефть институты» ЮҺБ ДББУ һәм республика предприятиеләре арасында кооперация чылбырларын булдыру мәсьәләләре буенча киңәшмә үткәрде.
Киңәшмә Татарстан Республикасы Сәнәгать һәм сәүдә министрлыгында видеоконференцэлемтә режимында узды.
Шундый ук киңәшмәләр инде Казан дәүләт энергетика университеты, Казан (Идел буе) федераль университеты, Казан милли тикшеренү технология университеты, А.Н.Туполев исемендәге Казан милли тикшеренү техник университеты - КАИ, В.Д.Шашин исемендәге «Татнефть» ГАҖ белән дә узды.
Узган 2021 ел Россиядә фән һәм технологияләргә багышланган иде, ә 2022 елның 25 апрелендә Россия Федерациясе Президенты Владимир Путин «Россия Федерациясендә фән һәм технологияләр унъеллыгын игълан итү турында»гы указга кул куйды, шуның аркасында әлеге юнәлеш тагын да зуррак активлык җыя. Хәзерге вакытта Россиянең Фән һәм югары белем бирү министрлыгы тарафыннан Фән һәм технологияләр унъеллыгын үткәрүнең федераль планы эшләнә.