Республика предприятиеләре «Хезмәт җитештерүчәнлеге» илкүләм проектын иң яхшы яктырту өчен бүләкләнделәр
«БЕРДӘМ РОССИЯ» Бөтенроссия сәяси партиясенең Татарстан төбәк бүлеге комиссиясенең илкүләм проектларны мәгълүматлаштыруда һәм гамәлгә ашыруда ярдәм итү мәсьәләләре буенча киңәйтелгән утырышында «Татарстан-2021» республика бәйгесенә йомгак ясау тантанасы узды, аның кысаларында «Хезмәт җитештерүчәнлеге» илкүләм проектын иң яхшы яктырту өчен предприятиеләр бүләкләнде.
«Татарстан: илкүләм проектлар» фотобәйгесе илкүләм проектларны популярлаштыру һәм аларны халык арасында тормышка ашыру нәтиҗәләрен яктырту максатында оештырылган. 2021 елдан бирле фотобәйгегә «Хезмәт җитештерүчәнлеге» илкүләм проектын яктырту буенча аерым номинация кертелгән, ул предприятиеләрдән күп санлы гаризалар җыйган.
Татарстан Республикасы Дәүләт Советы Рәисе Фәрит Мөхәммәтшин фотобәйгедә җиңүчеләргә бүләкләр тапшырды.
«Җитештерүчәнлекне арттыру – икътисадый үсеш нигезе» номинациясендә «Казан халыкара аэропорты» АҖ, «Казметрострой» АҖ, «Ремдизель» АҖ җиңүче булган.
Барлык өч предприятие дә «Хезмәт җитештерүчәнлеге» илкүләм проектын башлап җибәрүчеләр, 2019 елда проектка кереп, «Хезмәт җитештерүчәнлеге өлкәсендә компетенцияләр федераль үзәге» АКО экспертлары белән берлектә хезмәт җитештерүчәнлеген үстерү инструментларын керткәннәр.
Шулай ук Татарстан Республикасында «Хезмәт җитештерүчәнлеге» илкүләм проектын гамәлгә ашыру өчен җаваплы Татарстан Республикасы Сәнәгать һәм сәүдә министрлыгы белән «Татарстан Республикасының Энергия ресурсларының нәтиҗәле технологияләре үзәге» ДАУ актив позициясе билгеләп үтелде.
Татарстан Республикасы Дәүләт Советы Рәисе Фәрит Мөхәммәтшинның фотобәйгедә актив катнашканы һәм халык белән эшне оештырганы өчен рәхмәт хаты Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримовка һәм «Татарстан Республикасының Энергия ресурсларының нәтиҗәле технологияләре үзәге» ДАУ директоры Марат Әхмәровка тапшырылды.
Предприятиеләргә фотобәйгедә актив катнашканнары өчен рәхмәт белдерәбез һәм җиңүчеләрне котлыйбыз!