Рөстәм Миңнеханов Чаллыда «Хайер Индастри РУС» ҖЧҖ көнкүреш техникасы заводында булды

Бүген Татарстан Республикасы Президенты Рөстәм Миңнеханов Чаллы шәһәренә эш сәфәре кысаларында «Хайер Индастри РУС» ҖЧҖ көнкүреш техникасы заводында һәм әзер продукция складында булды.

Рөстәм Миңнехановны Татарстан Республикасы Премьер-министры урынбасары – сәнәгать һәм сәүдә министры Альберт Кәримов, Татарстан Республикасы Премьер-министры урынбасары - икътисад министры Мидхәт Шаһиәхмәтов, Татарстан Республикасы хезмәт, мәшгульлек һәм социаль яклау министры Эльмира Зарипова, Чаллы мэры Наил Мәһдиев озата йөрделәр.

Кунакларны «Хайер Индастри РУС» ҖЧҖнең суыткыч һәм суыту җиһазларын җитештерү буенча «акыллы заводы» төзелеше барышы белән таныштырдылар, шулай ук предприятиене үстерү буенча киләчәк адымнар турында сөйләделәр.

Рөстәм Миңнеханов шулай ук телевизорлар җитештерү конвейерының эше белән танышты.

«Хайер» корпорациясе индустриаль паркы территориясендә яңа производстволар булдыру буенча актив эш алып бара. Хәзерге вакытта «Мастер» КИПта суыткычлар заводы, индустриаль паркта кер юу машиналары заводы һәм телевизорлар заводы, шулай ук әзер эшләнмәләр склады эшли.

Карау барышында аңлатмаларны Россиядә Хайер бизнесын үстерү буенча директоры Людмила Романова бирде.

Хайерның барлык предприятиеләре ТОСЭР (алгарышлы социаль-икътисади үсеш территориясе) президенты булып тора. Сәнәгатьне үстерү фонды һәм моношәһәрләрне үстерү фонды белән хезмәттәшлек гамәлгә ашырыла («суыткыч җиһазларын җитештерү буенча акыллы завод» проекты).

Исегезгә төшерәбез, көннең беренче яртысында Рөстәм Миңнеханов Чаллыда "КАМАЗ" ГАҖнең җитештерү мәйданчыкларында булды.