«Химград» технополисының 2021 елдагы эшенә йомгаклар ясалды
Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов «Химград» технополисының директорлар советы утырышын уздырды.
Утырыш Татарстан Республикасы Сәнәгать һәм сәүдә министрлыгында узды, анда төп темалар 2021 елгы эшкә нәтиҗә ясау, Технополисның план күрсәткечләре белән танышу, 2022 елга фаразланган табыш күрсәткечләренә ирешү буенча «Юл картасы»н раслау, шулай ук предприятиедә цифрлы трансформация стратегиясен гамәлгә ашыру этапларын караудан гыйбарәт булды.
«Химград» технополисы генераль директоры Айрат Гыйззәтуллин «Химград» технополисының 2021 елдагы эш нәтиҗәләре турында хәбәр итте. Хәзер мәйданчыкта гомуми саны 9600 кеше булган 360 компания эшли. Быелгы товар продукциясе күләме 57,8 млрд.сум булган.