Сәүдә-сервис предприятиеләре «МИР» картасы белән түләүне кабул итәргә тиеш

2021 елның 25 июне, җомга

Россия Федерациясе Үзәк банкының Идел-Нократ баш идарәсенең Татарстан Республикасы буенча Милли банкы бүлекчәсе искәртеп уза: 2021 елның 1 июленнән башлап «Кулланучыларның хокукларын яклау турында» 1992 елның 7 февралендәге 2300-1 номерлы РФ Законына булган  үзгәрешләр үз көченә керә, алар нигезендә алдагы календарь елында товарлар сату (эшләр башкару, хезмәтләр күрсәтү) буенча алынган кереме егерме миллион сумнан артып киткән сатучы (башкаручы, хуҗа, агрегатор) товарлар (эшләр, хезмәтләр күрсәтү) өчен илдәге түләү инструментларыннан файдаланып түләү мөмкинлеген тәэмин итәргә бурычлы.