Лин-технологияләр гамәлдә

2013 елның 141 апрелендә Татарстан Республикасы Сәнәгать һәм сәүдә министрлыгында "Сакчыл җитештерү" методикасын кертү буенча Ведомствоара эшче төркем утырышы булды.
Татарстан Республикасы сәнәгать һәм сәүдә министры урынбасары Гөлнара Әхмәдиева "Нәтиҗәле процесслар – югары җитештерүчәнлек" 7 нче халыкара лин-конференция йомгаклары хакында бәян итте.
Халыкара Лин-конференция эшендә башкарма хакимият органнарыннан, төрле тармак предприятиеләреннән һәм белем бирү учреждениеләреннән 400 ләп җитәкче, Россиянең 30 төбәгеннән вәкилләр, Бөекбритания, Төркия, Япония, Италия һәм башка илләрдән лин-экспертлар, эре дәүләт корпорацияләре вәкилләре катнашты. 7 мастер-класста төрле тармактагы предприятиеләрдән һәм оешмалардан 300 дән артык хезмәткәр катнашты.
Лин-конференция кысаларында Татарстан Республикасы Сәнәгать һәм сәүдә министрлыгы һәм "Ростехнологияләр" дәүләт корпорациясе арасында хезмәттәшлек турында Килешү төзелде. Г.Әхмәдиева билгеләп үткәнчә, “конференция "Сакчыл җитештерү" методикасын кертүдә Татарстан Республикасында берничә ел буена башкарылган эшләрнең логики дәвамы булды".
Татарстан Республикасы Сәнәгать һәм сәүдә министрлыгында үткәрелгән Эшче төркем утырышында кайбер предприятиеләрдә: «Казан электротехника заводы» ААҖ, «ЕлАЗ ҖБ» ААҖ, «Горький исемендәге Зеленодольск заводы» ААҖ, «Горбунов ис. КАҖБ» ААҖ, «ПРЕТТЛЬ-НК» ҖЧҖ һәм башкаларда максатчан программаларның үтәлеше буенча хисаплар хакында фикер алышулар да булды. Бу предприятиеләрдә Лин-технологияләр кертү нәтиҗәсендә эш урыннарын кыскартмыйча гына хезмәт җитештерүчәнлеген арттыруга ирешелгән.
Киңәшмәдә шулай ук IT-технологияләр һәм "Сакчыл җитештерү" инструментларын берләштерү, югары технологияле машина төзү предприятиеләрен программ тәэмин ителеш мәсьәләләре, һ.б каралды.