Политехник музей-күргәзмә үзәге төзеләчәк

10 апрельдә Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов Archimedes Exhibitions немец компаниясе җитәкчеләре белән очрашты. Очрашуда Татарстан Республикасы мәгариф һәм фән министры Энгель Фәттахов, Татарстан Республикасы сәнәгать һәм сәүдә министры урынбасары Г. Әхмәдиева, Archimedes Exhibitions GmbH идарәче директоры Йорг Шмитзифен әфәнде, компаниянең Россиядәге һәм БДБ илләрендәге вәкиле С. Мөхәммәтов катнашты.
Билгеле булганча, Татарстан Республикасы Президенты Р. Миңнеханов 9 апрельдә Archimedes Exhibitions компаниясе җитәкчеләре белән очрашкан иде. Очрашуда компания тарафыннан гамәлгә ашырылган проектларның презентациясе үткәрелде. Республика башлыгы Archimedes Exhibitions компаниясенең тәҗрибәсе Татарстан өчен кызыклы һәм Казанда политехника музее төзү мөмкинлеге булу турында сөйләде.
Татарстан Республикасы Сәнәгать һәм сәүдә министрлыгында булган очрашуда Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов “политехника музеен булдыруның төп бурычы – яшьләргә белем бирү, балаларның техник иҗатын үстерү, балалар һәм яшьләр арасында фәннең һәм техниканың абруен арттыру, яшь буынга эшче һәм инженер һөнәрләрен сайлауга ярдәм итү” булуын бәян итте.
Шул максаттан Татарстан Республикасы Сәнәгать һәм сәүдә министрлыгында Татарстан Республикасы Мәгариф һәм фән министрлыгы һәм Archimedes Exhibitions компаниясе белән берлектә Европа илләрендәге музей-күргәзмә комплекслары мисалында Татарстан өчен кулай проектлар турында фикер алышу булды.