Әлмәттә балалар техник иҗаты мәсьәләләре хакында фикер алыштылар

2013 елның 23 мартында Әлмәттә балалар техник иҗатына багышланган семинар булды. Татарстан Республикасы сәнәгать һәм сәүдә министры урынбасары Гөлнара Әхмәдиева “Сәнәгать предприятиеләренең һәм мәгариф учреждениеләренең яшьләр һәм балалар техник иҗатын үстерү ресурсы буларак хезмәттәшлеге” турында доклад белән чыгыш ясады.
Ул, бүген сәнәгать предприятиеләренең иң зур проблемаларының берсе – техник яктан белемле кадрларга кытлык булуын билгеләп үтте.
«Авиакосмик технологияләр, заманча материаллар һәм җиһазлар-2012» VI Халыкара күргәзмә вакытында Татарстан Республикасы Президенты Р.Миңнеханов техник юнәлештәге түгәрәкләр, секцияләр эшен үстерү максатында министрлыклар, ведомстволар, сәнәгать предприятиеләре башкара торган уртак эшне җайга салу кирәклеге хакында әйткән иде, бу эш ТР ССМна йөкләнде. Әлеге йөкләмә хакында үткән елның ноябрендә Чаллы шәһәрендә Татарстан Республикасы сәнәгать һәм сәүдә министры Р. Зарипов җитәкчелегендә үткәрелгән ведомствоара киңәшмәдә фикер алышынды.
Татарстан Республикасы Сәнәгать һәм сәүдә министрлыгында профильле министрлыклар һәм ведомстволар, предприятиеләр һәм оешмалар белән берлектә үткәрелгән киңәшмәләрдә Яшьләр һәм балалар техник иҗатын үстерү чаралары планы расланды, бу хакта Татарстан Республикасы Министрлар Кабинеты карары кабул ителде. Әлеге карар нигезендә “2014-2016 елларга Яшьләр һәм балалар техник иҗатын үстерү” озак сроклы программасы концепциясе эшләнде, Ведомствоара эшче төркем составы расланды, проектта катнашучы предприятиеләр исемлеге төзелде.