Кама сәнәгать форумы кысаларында Кама инновацияле территориаль-производство кластерын үстерү мәсьәләләре каралды

2013 елның 20 февралендә Чаллы шәһәрендә “Сәнәгать предприятиеләренең, эшкуарлыкның һәм куллану базарының 2012 елгы үсеше йомгаклары һәм 2013 елга бурычлар” хакында тармак киңәшмәсе уздырылды. Киңәшмәдә Татарстан Республикасы Сәнәгать һәм сәүдә министрлыгы, Чаллы шәһәре җитәкчеләре, Татарстан Республикасының дәүләт һәм муниципаль органнары, предприятиеләр һәм оешмалар вәкилләре катнашты.
Татарстан Республикасының сәнәгать һәм сәүдә министры урынбасары Г. Әхмәдиева киңәшмәдә катнашучыларга сәнәгать предприятиеләренең, эшкуарлыкның һәм куллану базарының 2012 елгы үсеше йомгаклары һәм 2013 елга бурычлар хакында сөйләде, Кама инновацияле территорриаль-производство кластеры турында һәм аның киләчәге хакында бәян итте.
Узган ел Татарстан Республикасында сәнәгать җитештерүе күләме 1 трлн. 410 млрд. сум, үсеш 107% тәшкил итте, бу – Россия буенча уртача күрсәткечтән (102,6%) югарырак. Эшкәртү сәнәгатендә, 2011 ел белән чыгаштырганда, үсеш 12,8% тәшкил итә. Нефть эшкәртү, нефть химиясе, машина төзелеше һәм башка тармаклар югары уңышка иреште. Сәнәгать предприятиеләре тарафыннан алынган табыш, 2011 ел белән чагыштырганда, 20 процентка артык һәм 190 млрд. сум тәшкил итә. 2012 елда сәнәгать тармагында эшләүчеләр саны мең кешегә артты һәм 352 кешене тәшкил итә. Татарстан Республикасының ваклап сату буенча товар әйләнеше 16,4 процентка артты һәм 650 млрд. сумнан артып китте. Сәүдә өлкәсендә эшләүчеләр саны 6,6 процентка артты, ул 154 меңнән артык кешене тәшкил итте. Республикада өстәмә рәвештә 180 сәүдә, җәмәгать туклануы һәм көнкүреш хезмәтләр күрсәтү предприятиеләре ачылды. (Шуларның – 23 Чаллы шәһәрендә).
Гөлнара Әхмәдиева билгеләп үткәнчә, Чаллы шәһәре актуаль мәсьәләләрне чишү буенча республикада әйдәп баручы булып тора. Моңа җитештерүдә заманча яңа технологияләр кертү, кадрлар әзерләү, яшьләрнең техник иҗатын үстерү һәм башка мәсьәләләр керә. Шәһәрнең предприятиеләре республиканың сәнәгать үсешенә саллы өлешен кертә. Биредә 2013 ел башына 1 мең 618 сәнәгать предприятиесе теркәлгән, шуларның 176 эре һәм урта предприятеләр. Алар җитештергән продукция 2012 елда 180 млрд сум, сәнәгать җитештерү индексы 110,6% тәшкил итте.
Җитештерүне үстерүгә юнәлдерелгән мөһим гамәлләрнең шактые КАМАЗ предприятиесе һәм Чаллы шәһәре администрациясе катнашында үткәрелде. Август аенда, мәсәлән, биредә IТ-парк ачылды, аның базасында октябрь аенда республика киңәшмәсе үткәрелде.
Узган ел “КАМАЗ” ААҖтә “Сакчыл җитештерү” технологияләре кертү буенча предприятиеләр җитәкчеләре катнашында очрашулар, Татарстан Республикасы башкарма хакимиятенең җитәкчеләрен Лин-технологияләргә өйрәтү семинарлары, Лин-тренерлар семинарлары уздырылды.
Г. Әхмәдиева әйтүенчә, икътисадның тотрыклы үсешен, республика сәнәгатенең конкурентлылык дәрәҗәсен арттыру максатларында 2016 елга кадәр машина төзелеше һәм нефть химиясе комплексларында хезмәт җитештерүчәнлеген арттыру программасы кабул ителде. Программада каралган чараларны тормышка ашыру нәтиҗәсендә 2016 ел ахырына әлеге тармакларда хезмәт җитештерүчәнлеген 2 тапкыр арттыру күздә тотыла.