Индиягә очкычлар җибәрелде

“Рособоронэкспорт” ААҖ һәм Индиянең Оборона министрлыгы арасында 2008 елда төзелгән контракт нигезендә 19 декабрь көнне Индиягә Ми-17В-5 хәрби-транспорт вертолетларының чираттагы партиясе җибәрелде. Вертолетлар “Россия вертолетлары” холдингына керә торган “Казан вертолет заводы” ААҖ тарафыннан җитештерелде. Контракт шартлары буенча җибәрелергә тиешле калган вертолетлар 2013 елда озатылачак.
Әлеге вертолетлар Россия авиация сәнәгатенең символы булып тора. Индиягә җибәрелә торган машиналар заказчы таләпләре буенча эшләнә. Заманча Ми-17В-5 вертолетлары күп илләрнең, шул исәптән Индиянең хәрби һава көчләрендә иң ышанычлы техникаларның берсе. Вертолетларга урнаштырылган ВК-2500 модельле двигательләр электрон идарә ителә һәм югары күәткә ия. Бу эссе һава һәм тау климаты шартлары өчен мөһим күрсәткеч. Борттагы радиоэлектрон җайланмалар вертолетлардан тәүлекнең теләсә кайсы вакытында һәм һава шартларына бәйсез рәвештә файдаланырга мөмкинлек бирә. Индиягә озатылган модификацияле вертолетларга навигациянең һәм электрон индекациянең яңа комплексы урнаштырылган. Очу вакытындагы мәгълүмат һәм навигация мәгълүматы дүрт дисплейда чагылып бара, бу исә үз чиратында экипажның эшен сизелерлек җиңеләйтә.