Татарстан Республикасы Сәнәгать һәм сәүдә министрлыгы

Алабугада “Флагман” эшли башланды

2012 елның 21 ноябре, чәршәмбе

20 ноябрьдә Алабугада Татарстан Республикасы Сәнәгать һәм сәүдә министрлыгының, республиканың сәнәгать предприятиеләре һәм оешмаларының эшче һәм инженер һөнәрләренең абруен арттыру буенча уртак эшчәнлеге, шулай ук республикада “Сакчыл җитештерү” методикасын кертү буенча ведомствоара эшче төркем эшчәнлеге кысаларында “Флагман” проекты старт алды. Ул хезмәт җитештерүчәнлеген арттыруга юнәлдерелгән.
“Флагман” инновацияле старт-проектын презентацияләүдә Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов, Татарстан Республикасы Сәнәгать һәм сәүдә министрлыгы вәкилләре, Алабуга шәһәре администрациясе, Чаллы шәһәре һәм Кама аръягы төбәгенең сәүдә-сәнәгать палатасы вәкилләре, “ЕЛАЗ” ҖБ” ААҖ хезмәт коллективы вәкилләре, “Лин Коучинг” компаниясе лин-тренерлары, Алабуга шәһәренең югары һәм урта техник уку йорлары студентлары катнашты.
Россия Федерациясе Президенты В.В. Путин 2012 елның маенда имазалаган “Дәүләтнең озак вакытлы икътисадый сәясәте турында”гы программ документта икътисадый үсеш темпларын арттыру һәм аның тотрыклы үсешен тәэмин итү, Россия Федерациясе гражданнарының реаль керемнәрен арттыру, Россия икътисадының техник алдынгылыгына ирешү максатларында 2018 елга хезмәт җитештерүчәнлеген, 2011 ел белән чагыштырганда, 1,5 тапкыр арттыру билгеләнде.
Татарстан Республикасы Президенты Р.Н. Миңнеханов Дәүләт Советына юлламасында “Татарстанның конкурентлылыкка сәләтле булуының төп шарты – хезмәт җитештерүчәнлеген арттыру” булуын билегеләп үтте.
ЕЛАЗда “Флагман” проектын тормышка ашыру халыкара эксперт – “Лин Коучинг” компаниясе катнашында барачак. Проект 1 ел эчендә кертелергә тиеш. Проектның максаты – махсус техниканың җитештерү процессларын заманча стандартлар, методлар һәм Лин принципларына нигезләнгән идарә итү ысуллары, технологияләре кертү юлы белән оптимизацияләү. Проект җыю нәтиҗәлелеген арттырырга, чыгымнарны киметергә мөмкинлек бирәчәк. Әлеге проект нәтиҗәсендә түбәндәге нәтиҗәләргә ирешү күздә тотыла:

• җитештерү процессларын оптимизацияләү, хезмәт җитештерүчәнлеген арттыру исәбенә җитештерү күләме 25%ка артачак;
• брак эшләнмәләрне киметү исәбенә җитештерелгән продукциянең сыйфаты 30%ка артачак;
• гарантияле хезмәт күрсәтү буенча шикаятьләр һәм претензияләр саны 30%ка кимиячәк.
“ЕЛАЗ”да соңгы берничә ел эчендә Лин-технологияләр системалы рәвештә кулланыла. “Сакчыл җитештерү” методикасын кертүдән икътисадый файда 2004 елдан алып 300 млн. сум тәшкил итә, 44 000 кв.м. җитештерү мәйданнары бушады, 300 берәмлек техника янга калды. Хезмәткәрләр тарафыннан 8200 кайдзен-тәкъдимнәр кертелде. Заводта 2 000 нән артык эш урынына 5S системасы кертелгән, “Сакчыл җитештерү” принципларына һәм ысулларына 1100 хезмәткәр өйрәтелгән.
Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов билгеләп үткәнчә, “Сакчыл җитештерү” фәлсәфәсе һәм инструментлары Татарстан Республикасы Президенты Р.Н. Миңнеханов һәм република Хөкүмәте ярдәме белән републиканың якын елларда социаль-икътисадый үсеш стратегиясенең төп нигезен тәшкил итә.

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ