Россия машина төзүчеләре берлегенең Татарстан бүлекчәсендә семинар-киңәшмә

2012 елның 7 ноябрендә Зеленодольск шәһәрендә Россия машина төзүчеләре берлегенең Татарстан бүлекчәсе беренчел оешмалары координаторларының семинар-киңәшмәсе булды. Форум эшендә Татарстан бүлекчәсе составына керә торган предприятиеләр вәкилләре катнашты. Алар арасында «КАМАЗ» ААҖ, «ПОЗиС» ААҖ, «Казан вертолет заводы» ААҖ, «А.М.Горький исемендәге Зеленодольск заводы» ААҖ, «Элекон заводы» ААҖ, «ГИПО» ФҖБ» ААҖ, «Шимко ис. радиоэлектроника ФҖБ» ААҖ һ.б бар иде. Киңәшмәдә киләсе елга эш планнары һәм дәүләт органнары, фән, бизнес даирәләре белән нәтиҗәле хезмәттәшлек итү мәсьәләләре каралды.