"Электр энергетикасы субъектларын 2012/2013 елның көзге-кышкы чорына әзерләү һәм электр энергиясен һәм күәтне арттыру хакында” бөтенроссия киңәшмәсе

25 октябрьдә Мәскәү шәһәренең “Крокус Экспо” халыкара күргәзмәләр үзәгендә "Электр энергетикасы субъектларын 2012/2013 елның көзге-кышкы чорына әзерләү һәм электр энергиясен һәм күәтне арттыру хакында” бөтенроссия киңәшмәсе булды. Анда энергетика компанияләре җитәкчеләре һәм Россия Федерациясе субъектларында электр белән имин тәэмин итү штаблары вәкилләре катнашты. Киңәшмәдә катнашучыларны Федераль штаб җитәкчесе – Россия Федерациясе энергетика министры А. В. Новак сәламләде. Федераль штаб җитәкчесе урынбасары – Россия Федерациясе энергетика министры урынбасары М.Ю. Курбатов электр энергетикасы субъектларын көзге-кышкы чорга әзерләү турында доклад белән чыгыш ясады.
Киңәшмә кысаларында ягулык-энергетика комплексы буенча эшче төркемнәр мәгълүматы тыңланды. 2012-2013 елгы ягу чорына әзерлекне Россия Федерациясе Энергетика министрлыгы тикшереп тора. Россия Федерациясе Хөкүмәте Рәисе Д.А. Медведев кушуы буенча ягулык запасы, шулай ук һәр айның беренче числосына ягулыкның норматив запасы мониторингы оештырылды.
2012 елның 1 октябренә Татарстан Республикасы Сәнәгать һәм сәүдә министрлыгы карамагындагы барлык энергетика предприятиеләре ягулыкның резерв төре белән тулысынча тәэмин ителгән. Мазут буенча: норматив – 138887,0 т., фактта 152896,5 т. әзерләнгән, күмер буенча: норматив – 57523,0 т., фактта 57555,2 т. әзерләнгән.